టాలీవుడ్ స్టార్ హీరో విక్టరీ వెంకటేష్ నటిస్తున్న లేటెస్ట్ మూవీ ‘సంక్రాంతికి వస్తున్నాం’ కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను సక్సెస్‌ఫుల్ డైరెక్టర్ అనిల్ రావిపూడి తెరకెక్కిస్తుండగా.. వెంకటేష్-అనిల్ రావిపూడి కాంబినేషన్‌లో వస్తున్న హ్యాట్రిక్ చిత్రం కావడంతో ఈ సినిమాపై అంచనాలు అమాంతం పెరిగిపోయాయి. ఇక ఇప్పటికే రిలీజ్ అయిన ఈ చిత్ర పోస్టర్స్, మేకింగ్ వీడియో ప్రేక్షకుల్లో సినిమాపై పాజిటివ్ వైబ్స్ క్రియేట్ చేశాయి.
అయితే, ఈ సినిమాను సంక్రాంతి బరిలో రిలీజ్ చేస్తున్నామని ఇప్పటికే మేకర్స్ వెల్లడించారు. కాగా, ఈ చిత్ర రిలీజ్ డేట్ పై మేకర్స్ తాజాగా క్లారిటీ ఇచ్చారు. ఈ సినిమాను జనవరి 14న సంక్రాంతి రోజున రిలీజ్ చేస్తున్నట్లు వారు తెలిపారు. ఈ మేరకు ఓ ప్రెస్ మీట్‌లో వారు ఈ రిలీజ్ డేట్‌ను అధికారికంగా అనౌన్స్ చేశారు. ఇక ఈ సినిమా అన్ని వర్గాల ఆడియెన్స్‌ను ఆకట్టుకోవడం ఖాయమని చిత్ర యూనిట్ చెబుతోంది.
ఈ సినిమాలో వెంకటేష్ ఓ ఎక్స్ కాప్ పాత్రలో నటిస్తుండగా, అందాల భామలు మీనాక్షి చౌదరి, ఐశ్వర్య రాజేష్‌లు హీరోయిన్లుగా నటిస్తున్నారు. భీమ్స్ సిసిరోలియో సంగీతం అందిస్తున్న ఈ సినిమాను దిల్ రాజు, శిరీష్ ప్రొడ్యూస్ చేస్తున్నారు.