టాలీవుడ్ లో నితిన్ న‌టించిన ‘మ్యాస్ట్రో’ సినిమా అంద‌రికీ గుర్తుండే ఉంటుంది. బాలీవుడ్ లో తెర‌కెక్కిన ‘అంధాధున్’ సినిమాకు రీమేక్ గా ఈ సినిమా వచ్చింది. ఈ సినిమా నేరుగో ఓటిటిలో రిలీజ్ కావ‌డంతో ప్రేక్ష‌కులను ఆక‌ట్టుకోవ‌డంలో మంచి విజ‌యం సాధించింది. ఇప్పుడు ఈ సినిమాకు రీమేక్ గా త‌మిళంలో ‘అంధ‌గ‌న్’ అనే సినిమా తెర‌కెక్కింది. ఈ సినిమాలో ప్ర‌శాంత్ హీరోగా న‌టిస్తున్నాడు.
ఇప్ప‌టికే రిలీజ్ అయిన పోస్ట‌ర్స్, టీజ‌ర్, ట్రైల‌ర్లు ప్రేక్ష‌కుల్లో మంచి బ‌జ్ ను క్రియేట్ చేశాయి. తాజాగా ఈ సినిమా నుండి అంధ‌గ‌న్ యాంథెమ్ ను మేక‌ర్స్ రిలీజ్ చేశారు. ఈ యాంథెమ్ సాంగ్ పై ‘క‌ల్కి 2898 AD’ మ్యూజిక్ డైరెక్ట‌ర్ సంతోష్ నారాయ‌ణ‌న్ గుర్రుగా ఉన్నారు. ‘అంధ‌గ‌న్’ చిత్రానికి కూడా సంగీతం ఆయ‌నే అందించారు. అయితే, అంధ‌గ‌న్ యాంథెమ్ సాంగ్ ను రిలీజ్ చేసే క్ర‌మంలో సోష‌ల్ మీడియాలో సంతోష్ నారాయ‌ణ‌న్ కు క్రెడిట్స్ ఇవ్వ‌లేదు మేక‌ర్స్.
దీంతో ఈ విష‌యంపై ఆయ‌న సోష‌ల్ మీడియా వేదిక‌గా చిత్ర యూనిట్ ను ట్రోల్ చేశారు. దీనికి సంబంధించిన ట్వీట్స్ ప్ర‌స్తుతం నెట్టింట వైర‌ల్ అవుతున్నాయి. ఇక ‘అంధ‌గ‌న్’ సినిమాలో సిమ్ర‌న్, ప్రియా ఆనంద్, కార్తీక్, స‌ముథ్ర‌ఖ‌ని ఇత‌ర ముఖ్య పాత్ర‌ల్లో న‌టించారు. ఈ సినిమాను త్యాగ‌రాజ‌న్ డైరెక్ట్ చేయ‌గా, ఆగస్టు 15న ఈ మూవీ రిలీజ్ కానుంది.
