‘సారంగపాణి జాతకం’ టీజర్ అనౌన్స్‌మెంట్ వచ్చేస్తోంది!

నటుడు ప్రియదర్శి లీడ్ రోల్‌లో నటిస్తున్న తాజా చిత్రం ‘సారంగపాణి జాతకం’ ఇప్పటికే షూటింగ్ పనులు ముగించుకుని రిలీజ్‌కు సిద్ధమవుతోంది. ఈ సినిమాను దర్శకుడు మోహనకృష్ణ ఇంద్రగంటి డైరెక్ట్ చేస్తుండటంతో ఈ సినిమాపై ప్రేక్షకుల్లో మంచి బజ్ క్రియేట్ అయ్యింది. ఇక ఈ సినిమాకు సంబంధించిన ప్రమోషనల్ కంటెంట్ కూడా ఆకట్టుకునే విధంగా ఉండటంతో ఈ సినిమాపై పాజిటివ్ వైబ్స్ ఏర్పడ్డాయి.

తాజాగా ఈ సినిమా టీజర్‌కు సంబంధించి ఓ అప్డేట్ ఇచ్చేందుకు చిత్ర యూనిట్ రెడీ అవుతోంది. ఈ చిత్ర టీజర్ అనౌన్స్‌మెంట్‌ను త్వరలోనే చేస్తున్నట్లు మేకర్స్ తెలిపారు. ‘‘తిథి – పంచమి.. నక్షత్రం – పుష్యమి’’ అంటూ ఈ మేరకు క్లూ కూడా ఇచ్చారు. దీంతో ఈ టీజర్ అనౌన్స్‌మెంట్ ఎప్పుడా అని తెలుగు క్యాలెండర్ చూస్తున్నారు ప్రేక్షకులు. ఇక ఈ సినిమాలో రూపా కొడువయుర్ హీరోయిన్‌గా నటిస్తోంది.

ఔట్ అండ్ ఔట్ కామెడీ ఎంటర్‌టైనర్‌గా ఈ సినిమాను ప్రేక్షకులు మెచ్చే విధంగా తీసుకురాబోతున్నట్లు చిత్ర యూనిట్ ధీమా వ్యక్తం చేస్తోంది. ఈ సినిమాకు వివేక్ సాగర్ సంగీతం అందిస్తుండగా శ్రీదేవి మూవీస్ బ్యానర్‌పై శివలెంక కృష్ణప్రసాద్ ఈ చిత్రాన్ని ప్రొడ్యూస్ చేస్తున్నారు. డిసెంబర్ 20న ఈ చిత్రాన్ని గ్రాండ్ రిలీజ్‌కు రెడీ చేస్తున్నారు.