‘స‌రిపోదా శ‌నివారం’ నుండి సాలిడ్ అప్డేట్ ఇచ్చిన మేక‌ర్స్

నేచుర‌ల్ స్టార్ నాని న‌టిస్తున్న తాజా చిత్రం ‘స‌రిపోదా శనివారం’ నుండి మ‌రో సాలిడ్ అప్డేట్ ఇచ్చారు మేక‌ర్స్. ఇప్ప‌టికే ఈ సినిమాపై ప్రేక్ష‌కుల్లో అదిరిపోయే అంచనాలు క్రియేట్ కాగా, ఇప్పుడు ఈ సినిమా నుండి టీజ‌ర్ ను రిలీజ్ చేసేందుకు మేక‌ర్స్ రెడీ అవుతున్నారు. ద‌ర్శ‌కుడు వివేక్ ఆత్రేయ తెర‌కెక్కిస్తున్న ఈ మాస్ యాక్ష‌న్ ఎంట‌ర్టైన్ మూవీ టీజ‌ర్ పై మేక‌ర్స్ అప్డేట్ ఇచ్చారు.

‘స‌రిపోదా శ‌నివారం’ నుండి టీజ‌ర్ ను జూలై 20న రిలీజ్ చేస్తున్న‌ట్లు వారు అనౌన్స్ చేశారు. ‘ర‌న్.. హి ఈజ్ క‌మింగ్ ఆన్ జూలై 20’ అంటూ మేక‌ర్స్ ఈ టీజ‌ర్ గురించిన అప్డేట్ ను ఇచ్చారు. దీంతో అభిమానుల్లో ఈ టీజ‌ర్ పై క్యూరియాసిటీ క్రియేట్ అవుతోంది.

ఇక నాని ప‌వ‌ర్ఫుల్ పాత్ర‌లో న‌టిస్తున్న ఈ సినిమాలో అందాల భామ ప్రియా మోహ‌న్ హీరోయిన్ గా న‌టిస్తోంది. ఎస్.జె.సూర్య విల‌న్ గా న‌టిస్తున్న ఈ సినిమాకు జేక్స్ బిజోయ్ సంగీతం అందిస్తున్నాడు. ఈ సినిమాను ఆగ‌స్టు 29న రిలీజ్ చేస్తున్న‌ట్లు చిత్ర నిర్మాత డివివి దాన‌య్య ఇప్ప‌టికే అనౌన్స్ చేశారు.