నేచురల్ స్టార్ నాని నటిస్తున్న తాజా చిత్రం ‘సరిపోదా శనివారం’ ట్రైలర్ రిలీజ్‌తో సినిమాపై అంచనాలు ఒక్కసారిగా తారాస్థాయికి చేరుకున్నాయి. ఈ సినిమాను దర్శకుడు వివేక్ ఆత్రేయ పూర్తి మాస్ యాక్షన్ మూవీగా తెరకెక్కిస్తుండటమే దీనికి కారణం. ఇక ట్రైలర్ పూర్తి పవర్‌ఫుల్ కట్‌తో రావడంతో అభిమానులు పండగ చేసుకుంటున్నారు.
అయితే, ఇంకా ‘సరిపోదా శనివారం’ ట్రైలర్ ఊపులోనే ఉన్న అభిమానులకు మేకర్స్ మరో ట్రీట్ ఇచ్చేందుకు సిద్ధమయ్యారు. ఈ ట్రైలర్‌కి సంబంధించిన ఓఎస్‌టీ ని రిలీజ్ చేయబోతున్నట్లు వారు తెలిపారు. ఇవాళ రాత్రి 8.30 గంటలకు ఈ ట్రైలర్ ఓఎస్‌టీ రిలీజ్ చేస్తున్నట్లు చిత్ర యూనిట్ ప్రకటించింది.
నాని పవర్‌ఫుల్ పాత్రలో నటిస్తున్న ‘సరిపోదా శనివారం’ మూవీలో అందాల భామ ప్రియాంక మోహన్ హీరోయిన్‌గా నటిస్తోండగా, ఎస్.జె.సూర్య పోలీస్ ఆఫీసర్ పాత్రలో విజృంభించనున్నాడు. ఈ సినిమాకు జేక్స్ బిజాయ్ సంగీతం అందిస్తుండగా, డివివి ఎంటర్‌టైన్‌మెంట్స్ బ్యానర్‌పై డివివి దానయ్య ఈ సినిమాను ప్రొడ్యూస్ చేస్తున్నారు.
#SaripodhaaSanivaaram Trailer OST will go live at 8:30 PM today ????
▶️ https://t.co/KBmO3RqaNE pic.twitter.com/H1a1Yykccj
— DVV Entertainment (@DVVMovies) August 14, 2024