“సరిపోదా శనివారం” నుండి పవర్ ఫుల్ మేకింగ్ వీడియో రిలీజ్!

టాలీవుడ్ ప్రముఖ నటుడు, నాచురల్ స్టార్ నాని హీరోగా, డైరెక్టర్ వివేక్ ఆత్రేయ దర్శకత్వంలో తెరకెక్కుతున్న యాక్షన్ ఎంటర్టైనర్ సరిపోదా శనివారం. అంటే సుందరానికి చిత్రం తర్వాత వీరి కాంబినేషన్ లో వస్తున్న ఈ చిత్రంపై ప్రేక్షకుల్లో, అభిమానుల్లో ఆసక్తి నెలకొంది. ఆగస్ట్ 29, 2024 న వరల్డ్ వైడ్ గా థియేటర్లలో రిలీజ్ కాబోతున్న ఈ చిత్రంలో ప్రియాంక మోహన్ హీరోయిన్ గా నటిస్తుండగా, ఎస్.జే. సూర్య కీలక పాత్రలో కనిపించనున్నారు. ఈ చిత్రం నుండి మేకర్స్ సరికొత్త వీడియోను నేడు రిలీజ్ చేయడం జరిగింది.

హీరో నాని ను పూర్తి మాస్ అవతార్ లో చూపిస్తూ, మేకింగ్ వీడియో ను రిలీజ్ చేశారు. ఈ వీడియోలో కొన్ని యాక్షన్ సన్నివేశాలకి సంబందించిన కట్స్ ఉన్నాయి. పవర్ ఫుల్ గా ఈ యాక్షన్ మేకింగ్ వీడియో ఉంది. ఈ వీడియోలో బ్యాక్ గ్రౌండ్ మ్యూజిక్ హైలైట్ గా నిలిచింది. డీవీవీ ఎంటర్టైన్మెంట్ బ్యానర్ పై నిర్మిస్తున్న ఈ చిత్రం మరో 50 రోజుల్లో ప్రేక్షకుల ముందుకు రాబోతోంది అని మేకర్స్ వీడియోలో వెల్లడించారు. జేక్స్ బిజోయ్ సంగీతం అందిస్తున్న ఈ చిత్రంపై భారీ అంచనాలు నెలకొన్నాయి.