నాచురల్ స్టార్ నాని ప్రధాన పాత్రలో నటించిన సరిపోదా శనివారం చిత్రం ఆగస్టు 29 వ తేదీన భారతీయ ప్రధాన భాషల్లో థియేటర్ల లోకి రానుంది. వివేక్ ఆత్రేయ దర్శకత్వంలో తెరకెక్కిన ఈ చిత్రంలో ప్రియాంక మోహన్ హీరోయిన్ గా నటించగా, విలక్షణ నటుడు ఎస్.జే. సూర్య విలన్ పాత్రలో నటించాడు. సినిమా రిలీజ్ డేట్ దగ్గర పడుతున్న నేపథ్యంలో మేకర్స్ ఇప్పటికే ప్రమోషన్స్ ను వేగవంతం చేసారు.
హీరో నాని సినిమాను ప్రమోట్ చేస్తున్న విధానం అందరినీ ఆకట్టుకుంటుంది. రేపు తెలుగు మీడియాతో ఉదయం 10:00 గంటల నుండి హోటల్ దస్పల్లాలో ఇంటరాక్ట్ కానున్నారు. ఇదే విషయాన్ని సరికొత్త పోస్టర్ ద్వారా వెల్లడించారు మేకర్స్. జేక్స్ బెజోయ్ సంగీతాన్ని అందిస్తున్న ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.