మన టాలీవుడ్ యంగ్ అండ్ టాలెంటెడ్ హీరోస్ లో సత్యదేవ్ కూడా ఒకరు. మరి తన నటనతో తక్కువ టైం లోనే మంచి వెర్సటైల్ నటుడు గా మెగాస్టార్ చిరంజీవి లాంటి దిగ్గజం తోనే వెర్సటైల్ నటుడు అనిపించుకున్నాడు. మరి తాను చిరు తో గాడ్ ఫాదర్ సక్సెస్ అనంతరం రిలీజ్ చేసుకున్న చిత్రమే “గుర్తుందా శీతాకాలం”. తమన్నా హీరోయిన్ గా నటించిన ఈ చిత్రం నాగశేఖర్ దర్శకత్వం లో తెరకెక్కగా మేఘా ఆకాష్ కూడా మరో పాత్రలో నటించింది.
మరి ఈ చిత్రం థియేటర్స్ లో డీసెంట్ బజ్ తోనే వచ్చినా అనుకున్న రేంజ్ సక్సెస్ అయితే అందుకోలేదు. కానీ సత్యదేవ్ ని ఇష్టపడే వాళ్ళకి మాత్రం ఈ చిత్రం మంచి ట్రీట్ అందించింది. ఇక ఈ చిత్రం ఫైనల్ గా ఓటిటి లో స్ట్రీమింగ్ కి వచ్చేసింది. మరి ఈ సినిమా స్ట్రీమింగ్ హక్కులు వీడియో వారు సొంతం చేసుకోగా అందులో ఈ చిత్రం లేటెస్ట్ గా స్ట్రీమింగ్ కి వచ్చేసింది. మరి సత్యదేవ్ ని కొత్తగా చూడాలి అనుకునేవారు ఈ చిత్రాన్ని ఇప్పుడు నుంచి ప్రైమ్ వీడియోలో వీక్షించవచ్చు.