టాలీవుడ్ డైరెక్టర్ గోపీచంద్ మ‌లినేని చివరిసారిగా వీరసింహారెడ్డి చిత్రంను డైరెక్ట్ చేశారు. ఈ చిత్రం బాక్సాఫీస్ వద్ద సూపర్ హిట్ గా నిలిచింది. అయితే ప్ర‌ముఖ నిర్మాణ సంస్థలు మైత్రీ మూవీ మేకర్స్, పీపుల్ మీడియా ఫ్యాక్ట‌రీ సంయుక్తంగా నిర్మిస్తున్న యాక్షన్ మూవీని SDGM చిత్రానికి ప్రస్తుతం దర్శకత్వం వహిస్తున్నారు. బాలీవుడ్ యాక్షన్ హీరో స‌న్నీ డియోల్ ఇందులో లీడ్ రోల్ లో నటిస్తున్నారు. ఇటీవల పూజా కార్యక్రమాలతో ప్రారంభం అయిన ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
ఈ చిత్రం పూర్తి స్థాయి యాక్షన్ ఎంటర్టైనర్ గా ఉండనుంది. ప్రస్తుతం యాక్షన్ ఎపిసోడ్స్ కి సంబందించిన షూటింగ్ శరవేగంగా జరుగుతోంది. రామ్ – లక్ష్మణ్ ఫైట్ మాస్టర్స్ ఈ యాక్షన్ ఎపిసోడ్స్ ను సూపర్ వైజ్ చేస్తున్నారు. అందుకు సంబంధించిన ఫోటోలను మేకర్స్ రిలీజ్ చేయడం జరిగింది. ఈ చిత్రానికి మ్యూజికల్ సెన్సేషన్ థమన్ సంగీతం అందిస్తున్నారు. టైటిల్ తో పాటుగా, ఈ చిత్రంకు సంబందించిన మరిన్ని వివరాలు త్వరలోనే వెల్లడి కానున్నాయి.
