ప్రముఖ బాలీవుడ్ నటుడు షారుక్ ఖాన్ ప్రతిష్టాత్మక చిత్రం ‘రా.వన్’. ఈ సినిమా పై తొలుత మిశ్రమ స్పందనలు వచ్చినప్పటికీ తాజాగా ఈ మూవీ బాక్స్ ఆఫీసు వద్ద తన స్టామినా ఏమిటో చూపిస్తోంది. అక్టోబర్ 26 దీపావళి రోజున విడుదలైన ఈ సినిమా 14 .7 కోట్లు వసూలు చేసిందని బిజినెస్ అఫ్ సినిమా.కాం తెలియజేస్తోంది. ట్రేడ్ విశ్లేషకుల అభిప్రాయం ప్రకారం, దీపావళి పండుగ రోజు సాయంత్రం, రాత్రి ప్రదర్శనలలో ఊహించిన దాని కంటే తక్కువ కలెక్షన్లు వచ్చాయని భావిస్తున్నారు.

అయితే రెండో రోజు పరిస్తితి పూర్తిగా మారిపోయింది. ప్రముఖ ట్రేడ్ విశ్లేషకుడు తరన్ ఆదర్ష్ ప్రకారం ఈ మూవీ రెండోరోజు 25 .10 కోట్ల రూపాయలు వసూలు చేసిందని పేర్కొన్నారు. ఇది ఒక రోజులో అత్యధిక వసూళ్లు గా ఆయన తెలిపారు. ఇది సల్మాన్ ఖాన్ ‘బాడీ గార్డ్’ రికార్డ్ ను చెరిపేసింది. అప్పుడు సల్మాన్ చిత్రం తొలిరోజు 21 కోట్లు, రెండో రోజు 17 .5 సుమారుగా వసూలు చేసింది. తాజా అంచనాల ప్రకారం వారాంతానికి రా.వన్ చిత్రం 100 కోట్ల వసూళ్లు దాటే అవకాశం ఉందని భావిస్తున్నారు.

మూవీ లైఫ్ టైం లో అత్యధికంగా రెండు వందల కోట్లు వసూలుచేసిన ‘త్రి ఇడియట్స్’ రికార్డ్ ను ‘రా.వన్’ తిరగారస్తుందో లేదో చూడాలి.