టాలీవుడ్ టాలెంటెడ్ డైరెక్టర్ ప్రశాంత్ వర్మ దర్శకత్వంలో, యంగ్ హీరో తేజ సజ్జ ప్రధాన పాత్రలో నటించిన సూపర్ హీరో మూవీ హను మాన్ (Hanuman). ఈ చిత్రం సంక్రాంతి పండుగ సందర్భంగా థియేటర్ల లో రిలీజ్ అయ్యి ప్రేక్షకులను విశేషంగా ఆకట్టుకుంది. బాక్సాఫీస్ వద్ద 300 కోట్ల రూపాయలకి పైగా వసూళ్లు రాబట్టి, సెన్సేషన్ క్రియేట్ చేయడం జరిగింది. ఈ చిత్రం ఇటీవల రెండోసారి జీ తెలుగు ఛానెల్ లో ప్రసారం అయిన సంగతి తెలిసిందే.
మొదటి సారి ఈ చిత్రం 11 టీఆర్పీ రేటింగ్ ను రాబట్టినట్లు అధికారికంగా ప్రకటించడం జరిగింది. రెండోసారి ఈ చిత్రం డీసెంట్ రెస్పాన్స్ ను సొంతం చేసుకుంది. ఈ చిత్రం రెండోసారి 5.37 టీఆర్పీ రేటింగ్ ను నమోదు చేసుకుంది. అమృత అయ్యర్ ఫీమేల్ లీడ్ రోల్ లో నటించిన ఈ చిత్రంలో వరలక్ష్మి శరత్ కుమార్, వినయ్ రాయ్, గెటప్ శ్రీను, సముద్ర ఖని తదితరులు కీలక పాత్రల్లో నటించారు.