గ్లోబల్ స్టార్ రామ్ చరణ్ నటిస్తున్న లేటెస్ట్ మూవీ ‘గేమ్ ఛేంజర్’ సంక్రాంతి కానుకగా గ్రాండ్ రిలీజ్‌కు రెడీ అవుతోంది. ఈ సినిమా ప్రస్తుతం పోస్ట్ ప్రోడక్షన్ పనుల్లో బిజీగా ఉంది. దర్శకుడు శంకర్ ఈ సినిమాను ప్రేక్షకులు మెచ్చే విధంగా తీర్చిదిద్దే పనిలో నిమగ్నమయ్యాడు. ఇక ఈ సినిమాలో ఓ సెన్సేషనల్ ఎపిసోడ్ ప్రేక్షకులను థ్రిల్ చేయబోతుందని తెలుస్తోంది.
తెలంగాణ రాష్ట్ర ప్రభుత్వం ఇటీవల చేపట్టిన హైడ్రా కూల్చివేతలకు సంబంధించి అందరికీ తెలిసిందే. అయితే, ఇప్పుడు ‘గేమ్ ఛేంజర్’ సినిమాలోనూ ఇలాంటి ఎపిసోడ్ ఉండబోతుందని.. సిన్సియర్ ఐఏఎస్ ఆఫీసర్‌గా రామ్ చరణ్ ఈ కూల్చివేతల సీక్వెన్స్‌లో కనిపించబోతున్నాడని సినీ సర్కిల్స్‌లో టాక్ వినిపిస్తోంది. దీంతో ఈ సినిమాలోని ఈ ఎపిసోడ్ ఎలా ఉంటుందా అనేది ఆసక్తికరంగా మారింది.
అయితే, ఎలాంటి రాజకీయాలకు తావు లేకుండా ఈ ఎపిసోడ్ ఉండబోతుందని చిత్ర యూనిట్ ధీమా వ్యక్తం చేస్తుంది. ఏదేమైనా ఇలాంటి ఇష్యూలను ఆడియెన్స్ ఎలా రిసీవ్ చేసుకుంటారో అని అభిమానులు ఒకింత ఆలోచిస్తున్నారు. ఇక ఈ సినిమాలో కియారా అద్వానీ హీరోయిన్‌గా నటిస్తుండగా థమన్ సంగీతం అందిస్తున్నాడు. దిల్ రాజు ఈ చిత్రాన్ని భారీ బడ్జెట్‌తో ప్రొడ్యూస్ చేస్తున్నాడు.
