బాలీవుడ్ బాద్షా షారుఖ్ ఖాన్ హీరోగా అట్లీ దర్శకత్వంలో తెరకెక్కిన లేటెస్ట్ సెన్సేషనల్ యాక్షన్ మూవీ జవాన్. ఇటీవల మంచి అంచనాలతో ఆడియన్స్ ముందుకి వచ్చి బ్లాక్ బస్టర్ హిట్ అందుకున్న విషయం తెలిసిందే. నయనతార, దీపికా పదుకొనె హీరోయిన్స్ గా నటించిన ఈ మూవీ నవంబర్ 2 న ప్రముఖ ఓటిటి మాధ్యమం నెట్ ఫ్లిక్స్ ద్వారా పలు భాషల్లో బుల్లితెర ఆడియన్స్ ముందుకి వచ్చింది. ఇక అక్కడి నుండి డిజిటల్ రిలీజ్ పరంగా కూడా ఈ మూవీ మంచి రెస్పాన్స్ ని సొంతం చేసుకుంటోంది.
ఇక రిలీజ్ అయిన అన్ని భాషల్లోనూ రెండు వారాల్లో తమ ఓటిటి ప్లాట్ ఫామ్ లో అత్యధిక మంది వీక్షించిన మూవీగా జవాన్ రికార్డు క్రియేట్ చేసిందని తాజాగా నెట్ ఫ్లిక్స్ వారు తెలిపారు. అయితే గతంలో ఆర్ఆర్ఆర్, గంగూభాయి కతీయవాడి, చోర్ నికల్ కె బాగా ఈ రికార్డు ని కలిగి ఉన్నాయి. మొత్తంగా అందరి నుండి సూపర్ రెస్పాన్స్ తో తమ మూవీ నెట్ ఫ్లిక్స్ లో దూసుకెళ్తుండడంతో జవాన్ టీమ్ ఆనందం వ్యక్తం చేస్తోంది. అనిరుద్ సంగీతం అందించిన ఈ మూవీలో షారుఖ్ ఖాన్ డ్యూయల్ రోల్ పోషించగా రెడ్ చిల్లీస్ ఎంటర్టైన్మెంట్ బ్యానర్ పై గౌరి ఖాన్ దీనిని గ్రాండ్ లెవెల్లో నిర్మించారు.