యంగ్ హీరో అశ్విన్ బాబు న‌టిస్తున్న తాజా చిత్రం ‘శివం భ‌జే’ ఆగ‌స్టు 1న గ్రాండ్ రిలీజ్ కు రెడీ అయ్యింది. ఈ సినిమా పోస్ట‌ర్స్, టీజ‌ర్, ట్రైల‌ర్లు ప్రేక్ష‌కుల్లో సినిమాపై మంచి అంచ‌నాల‌ను క్రియేట్ చేశాయి. ఇక ఈ సినిమా క్రియేట్ చేసిన పాజిటివ్ వైబ్స్ తో చిత్ర యూనిట్ పూర్తి కాన్ఫిడెంట్ గా ఉంది.

పూర్తి యాక్ష‌న్ థ్రిల్ల‌ర్ మూవీగా రానున్న ఈ సినిమాలో ఓ వైవిధ్య‌మైన పాయింట్ ను చూపెట్ట‌నున్న‌ట్లు చిత్ర యూనిట్ చెబుతోంది. తాజాగా ఈ మూవీ సెన్సార్ ప‌నులు కూడా పూర్తి చేసుకుంది. శివం భ‌జే చిత్రానికి సెన్సార్ బోర్డు యు/ఎ స‌ర్టిఫికెట్ జారీ చేసింది. ఈ సినిమా కంటెంట్ ప్రేక్ష‌కుల‌ను మెప్పించే విధంగా ఉందంటూ చిత్ర యూనిట్ పై సెన్సార్ బోర్డు స‌భ్యులు ప్ర‌శంస‌లు కురిపించిన‌ట్లు చిత్ర యూనిట్ తెలిపింది.

ఇక ఈ సినిమా ర‌న్ టైమ్ 2 గంట‌ల 6 నిమిషాల‌కు లాక్ చేశారు మేక‌ర్స్. సెన్సార్ వ‌ర్క్స్ పూర్తి కావ‌డంతో చిత్ర యూనిట్ హ్యాపీగా రిలీజ్ కు రెడీ అయ్యారు. ద‌ర్శ‌కుడు అప్సర్ ఈ సినిమాను డైరెక్ట్ చేస్తుండ‌గా, మ‌హేశ్వ‌ర రెడ్డి నూలి ఈ సినిమాను ప్రొడ్యూస్ చేస్తున్నారు. దిగంగ‌నా సూర్య‌వంశీ హీరోయిన్ గా నటిస్తోన్న ఈ సినిమాలో అర్బాజ్ ఖాన్ కీల‌క పాత్ర‌లో న‌టిస్తున్నాడు. వికాస్ బ‌డిసా ఈ చిత్రానికి సంగీతం అందిస్తున్నారు.