యంగ్ హీరో అశ్విన్ బాబు నటించిన లేటెస్ట్ మూవీ శివం భజే అన్ని పనులు ముగించుకుని రిలీజ్‌కు రెడీ అయ్యింది. దర్శకుడు అప్సర్ డైరెక్ట్ చేస్తున్న ఈ సినిమాలో దిగంగనా సూర్యవంశీ హీరోయిన్‌గా నటిస్తోంది. ఈ సినిమా రిలీజ్ దగ్గర పడటంతో మూవీ ప్రమోషన్స్ శరవేగంగా జరుగుతున్నాయి. ఈ క్రమంలో చిత్ర నిర్మాత మహేశ్వర్ రెడ్డి మీడియాతో ముచ్చటించారు.
* శివం భజే సినిమాను హీరో అశ్విన్ బాబు బర్త్‌డే సందర్భంగా అని ఏమీ ఆగస్ట్ 1న రిలీజ్ చేయడం లేదు. మేం అనుకున్న డేట్‌కి ఆయన బర్త్‌డే కలిసి వచ్చింది. అంతే కానీ మేమేదో కావాలని పుట్టిన రోజు స్పెషల్‌గా రిలీజ్ చేయాలని ప్లాన్ చేయలేదు.
* ఇక శివం భజే కథను ముందుగా నేను విన్నాను. నాకు ఈ కథ చాలా నచ్చింది. విన్న వెంటనే ఓకే చేశాను. ఆ తర్వాత ఈ కథను అశ్విన్ దగ్గరకు తీసుకెళ్లాం. ఆయన కూడా వెంటనే ఓకే అనేశారు. అలా ఈ ప్రాజెక్ట్ మొదలైంది.
* ఈ సినిమా కథను నేను ఇప్పుడే పూర్తిగా రివీల్ చేయలేను. ఇందులో చాలా అంశాలు ఉంటాయి. ఇది మల్టీపుల్ జానర్లు కలసిన సినిమా. అందరినీ ఆకట్టుకునేలా ఈ సినిమా ఉంటుంది. ఈ సినిమాలోని ట్విస్టులు ఆడియెన్స్‌ను థ్రిల్ చేస్తాయి.
* ఈ సినిమా రిలీజ్‌కు ఇదే సరైన సమయం అని భావించాను. డిస్ట్రిబ్యూటర్‌గానూ నేను ఈ సినిమా గురించి ఆలోచించి, ఈ డేట్‌ను ఫిక్స్ చేశాం. క్వాలిటీ, కంటెంట్ కోసం అనుకున్న దానికంటే కాస్త ఎక్కువ బడ్జెట్ పెట్టాను.
* ఈ సినిమాకు మ్యూజిక్ డైరెక్టరే హీరో. ‘హిడింబ’ చూశాక ఆయనను తీసుకోవాలి అనుకున్నాను. అద్భుతమైన పాటలు, ఆర్ఆర్ ఇచ్చారు.
* విక్టరీ వెంకటేష్ గారు ఈ చిత్ర ట్రైలర్ చూసి మెచ్చుకున్నారు. అశ్విన్‌కి, వెంకటేష్ గారికి క్రికెట్ వల్ల మంచి రిలేషన్ ఉంది. ఆయనకు ట్రైలర్ నచ్చి మమ్మల్ని అభినందించారు.
* కంటెంట్ బాగుంటే ఆడియెన్స్ ఖచ్చితంగా సినిమా చూస్తారు. బాగుందనే మౌత్ టాక్ వస్తేనే సినిమాను చూస్తారు.
