ప్రస్తుతం మన టాలీవుడ్ లోనే అని కాదు మొత్తం ఇండియా వైడ్ గా కూడా సినిమా పరిశ్రమలో సరైన సినిమాలు లేక బాగా డ్రై వాతావరణం నడుస్తున్న అంశం చూస్తూనే ఉన్నాము. అయితే పలు చిన్న చిత్రాలు కొందరు ప్రముఖ నటుల సినిమాలు కూడా వస్తున్నాయి. కానీ మరీ అంత బజ్ ని అవి జెనరేట్ చేయలేకపోతున్నాయి. అలా గత వారపు శుక్రవారం రిలీజ్ కి వచ్చిన చిత్రమే “కృష్ణమ్మ”.
టాలెంటెడ్ నటుడు సత్యదేవ్ హీరోగా దర్శకుడు వివి గోపాలకృష్ణ తెరకెక్కించారు. మరి ఓ రస్టిక్ ఎమోషనల్ యాక్షన్ డ్రామాగా వచ్చిన ఈ చిత్రం కేవలం ఈ వారం వ్యవధిలోనే ఓటిటిలో వచ్చేసి షాకిచ్చింది. నేటి నుంచి ఈ చిత్రం ప్రముఖ ఓటిటి యాప్ అమెజాన్ ప్రైమ్ వీడియోలో రిలీజ్ కి వచ్చేసింది. అయితే దీనికి కారణం చాలా మందికి అంతు పట్టడం లేదు.
అయితే దీనికి కారణం థియేట్రికల్ గా బ్రేకీవెన్ అందుకోవడమే అని చెప్పాలి కాబోలు. ఈ వారం లోనే సినిమా బ్రేకీవెన్ కొట్టేసినట్టుగా వార్తలొచ్చాయి. అందుకే ఇక ఓటిటి నుంచి వచ్చే ఆ కొద్ది మొత్తం కూడా నిర్మాతలకి ప్లస్ అవుతుంది అని వారం లోనే రిలీజ్ కి ఇచ్చేసారు. మరి ఈ సినిమాని చూడాలి అనుకునేవారు ప్రైమ్ వీడియోలో చూడవచ్చు.
సమీక్ష కోసం ఇక్కడ క్లిక్ చెయ్యండి