గ్లోబల్ స్టార్ రామ్ చరణ్ హీరోగా, స్టార్ డైరెక్టర్ శంకర్ దర్శకత్వంలో తెరకెక్కుతున్న పొలిటికల్ యాక్షన్ ఎంటర్టైనర్ గేమ్ చేంజర్. ఈ ఏడాది డిసెంబర్ నెలలో రిలీజ్ కి రెడీ అవుతోంది. కియారా అద్వానీ హీరోయిన్ గా నటిస్తున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఈ చిత్రం ఇంకా నిర్మాణ దశలోనే ఉంది. ఈ చిత్రంకు సంబందించిన మూడు రోజుల కొత్త షెడ్యూల్ నేడు హైదరాబాద్ లో ప్రారంభం అయ్యింది. శ్రీకాంత్ మరియు సముద్ర ఖని లకు సంబంధించిన కొన్ని కీలక సన్నివేశాల చిత్రీకరణ జరుగుతోంది.
అయితే పీటర్ హెయిన్స్ యాక్షన్ సన్నివేశాలను కొరియోగ్రఫీ చేస్తున్నారు. ఎస్.జే. సూర్య, అంజలి కీలక పాత్రల్లో కనిపించనున్న ఈ చిత్రానికి మ్యూజికల్ సెన్సేషన్ థమన్ సంగీతం అందిస్తున్నారు. టాలీవుడ్ ప్రముఖ నిర్మాత అయిన దిల్ రాజు ఈ భారీ బడ్జెట్ చిత్రానికి నిర్మాతగా వ్యవహరిస్తున్నారు. ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
