తమిళ హీరో సూర్య నటిస్తున్న లేటెస్ట్ మూవీ ‘కంగువా’ మరో వారం రోజుల్లో వరల్డ్‌వైడ్‌గా థియేటర్లలో రిలీజ్‌కు రెడీగా ఉంది. దర్శకుడు శివ డైరెక్ట్ చేస్తున్న ఈ సినిమా భారీ బడ్జెట్‌తో తెరకెక్కింది. ఇక ఈ సినిమాలోని క్యాస్టింగ్ ప్రేక్షకులను వండర్ చేయబోతుందని మేకర్స్ చెబుతూ వస్తోంది. ఈ సినిమాకు దేవిశ్రీ ప్రసాద్ సంగీతం అందిస్తున్నాడు.
అయితే, ‘కంగువా’లో ఓ హీరోయిన్ తన వాయిస్‌తో స్టన్ చేయనుంది. అందాల భామ శ్రద్దా దాస్ నటిగా మంచి ఇమేజ్ సొంతం చేసుకుంది. ఇక ఇప్పుడు ‘కంగువా’ మూవీతో ఆమె ప్రొఫెషనల్ సింగర్‌గా మారింది. కంగువాలో శ్రద్దా దాస్ ఓ పెప్పీ సాంగ్‌ను ఆలపించారు. ఇప్పటికే కంగువా చిత్రంపై అంచనాలు భారీ స్థాయిలో ఉన్నాయి. కంగువా నుంచి వచ్చిన యోలో అనే పాట అందరినీ అలరించింది. యూట్యూబ్‌లో ఇప్పటికే మిలియన్ల వ్యూస్ సాధించింది. దేవి శ్రీ ప్రసాద్, శ్రద్ధా దాస్, సాగర్ గాత్రం ఈ పాటకు ప్రత్యేక ఆకర్షణగా నిలిచాయి. రాకేందు మౌళి సాహిత్యం అందరినీ ఆకట్టుకుంది.
ఇక సూర్య, దిశా పటాని, బాబీ డియోల్ వంటి భారీ తారాగణంతో తెరకెక్కించిన కంగువా చిత్రం నవంబర్ 14న రిలీజ్ కాబోతున్న సంగతి తెలిసిందే. స్టూడియో గ్రీన్, యూవీ క్రియేషన్స్ బ్యానర్లు ఈ సినిమాను ప్రొడ్యూస్ చేస్తున్నాయి.
