సిద్ధార్థ్ హీరో గా నటిస్తోన్న తదుపరి హిందీ చిత్రం ‘చష్మే బద్దూర్’. ఈ చిత్ర షూటింగ్ ఇవాల్టి నుంచి జరుగుతోంది. డేవిడ్ ధావన్ ఈ సినిమాకు దర్శకత్వం వహిస్తున్నారు. కాగా ఇది సిద్ధార్థ్ కు హిందీ లో మూడో చిత్రం కానుంది. ఇంతకూ ముందు ‘రంగ్ దే బసంతి’ , ‘స్ట్రైకర్’ చిత్రాల్లో ఆయన నటించారు. తాజా చిత్రంలో సిద్ధార్థ్, తాప్సీ, అలీ జాఫర్, రిషి కపూర్, ఇంకా సోను నిగం ప్రధాన తారాగణం. ఈ మూవీ 1981 లో వచ్చిన సాయ్ పరంజిపాయ్ చిత్రం చష్మే బద్దూర్ కు రీమేక్ గా వస్తోంది. చాలా వరకూ ఈ సినిమా చిత్రీకరణ ముంబై, గోవాలో జరిగే అవకాశం ఉందని సమాచారం.
