హీరో సిద్ధార్థ్ నటించిన లేటెస్ట్ మూవీ ‘మిస్ యు’ నవంబర్ 29న రిలీజ్ అవుతున్నట్లు మేకర్స్ గతంలో ప్రకటించారు. ఈ మేరకు చిత్రానికి సంబంధించిన ప్రమోషన్స్ కూడా గ్రాండ్‌గా నిర్వహించారు. ఇక ఈ సినిమా ప్రమోషనల్ కంటెంట్ కూడా ఆకట్టుకునేలా ఉండటంతో ప్రేక్షకుల్లో ఈ మూవీపై కొంతమేర బజ్ క్రియేట్ అయ్యింది.
అయితే, సినిమా రిలీజ్ దగ్గరపడ్డ సమయంలో ఈ చిత్రాన్ని వాయిదా వేస్తున్నట్లు మేకర్స్ ప్రకటించారు. తమిళనాడులో వర్షాలు కురుస్తున్న నేపథ్యంలో ‘మిస్ యు’ చిత్ర రిలీజ్‌ను వాయిదా వేస్తున్నట్లు చిత్ర నిర్మాతలు అధికారికంగా ప్రకటించారు. ప్రేక్షకుల సంరక్షణే తమకు తొలి ప్రాధాన్యమని.. అందుకే పరిస్థితులు కుదుటపడే వరకు తమ సినిమా రిలీజ్‌ను వాయిదా వేస్తున్నామని.. త్వరలోనే ఈ చిత్ర కొత్త రిలీజ్ డేట్‌ను అనౌన్స్ చేస్తామని మేకర్స్ ప్రకటించారు.
ఇక ఈ సినిమాలో సిద్ధార్థ్ సరసన అందాల భామ ఆషికా రంగనాథ్ హీరోయిన్‌గా నటించగా, గిబ్రన్ సంగీతం అందిస్తున్న ఈ సినిమాను ఎన్.రాజశేఖర్ డైరెక్ట్ చేస్తున్నారు.