స్టార్ బాయ్ సిద్ధు జొన్నలగడ్డ చివరిసారిగా టిల్లు స్క్వేర్ చిత్రంలో కనిపించారు. ఈ చిత్రం బాక్సాఫీస్ వద్ద భారీ బ్లాక్ బస్టర్ గా నిలిచింది. ఈ చిత్రానికి సంబంధించిన నెక్స్ట్ పార్ట్ ను కూడా ప్రకటించి అందరి దృష్టిని ఆకర్షించారు సిద్ధు. అయితే ఈలోగా తన తదుపరి చిత్రం తెలుసు కదా చిత్రం కోసం రెడీ అవుతున్నారు. ఈ చిత్రంలో రాశి ఖన్నా, శ్రీనిధి శెట్టి లు ఫీమేల్ లీడ్ రోల్స్ లో నటిస్తుండగా, నీరజ కోన ఈ సినిమాతో దర్శకురాలిగా పరిచయం అవుతోంది.
ఈ చిత్రం రెగ్యులర్ షూటింగ్ ఆగస్ట్ 5, 2024న హైదరాబాద్‌లో ప్రారంభం కానుంది. షెడ్యూల్ గురించి మరిన్ని వివరాలు త్వరలో అప్డేట్ కానున్నాయి. అయితే ఈ చిత్రం కోసం సిద్ధు స్టైలిష్ లుక్ లోకి మారిపోయారు. అందుకు సంబంధించిన లేటెస్ట్ స్టిల్స్ సోషల్ మీడియాలో వైరల్ గా మారాయి. ఈ లుక్ లో సిద్దు చాలా బాగున్నాడు. ఈ లుక్ కి ఆడియెన్స్ నుండి మంచి రెస్పాన్స్ వస్తోంది. తెలుసు కదా చిత్రం పీపుల్ మీడియా ఫ్యాక్టరీకి 30వ చిత్రం. ఈ చిత్రానికి మ్యూజికల్ సెన్సేషన్ థమన్ సంగీతం అందిస్తున్నారు.
