కోలీవుడ్ స్టార్ హీరో శివకార్తికేయన్, టాలీవుడ్ దర్శకుడు కేవీ అనుదీప్ తో ప్రిన్స్ కోసం జతకట్టాడు. గత నెలలో థియేటర్లలో తమిళం, తెలుగు వెర్షన్లలో విడుదలైన ఈ సినిమా ప్రేక్షకులను ఆకట్టుకోలేకపోయింది. ఈ రోజు, ఈ చిత్రం డిస్నీ ప్లస్ హాట్‌స్టార్‌లో ఓటిటి అరంగేట్రం చేసింది.
ఆశ్చర్యకరమైన విషయం ఏమిటంటే, ఈ చిత్రం ఎక్కువ మంది ప్రేక్షకులను చేరుకోవడానికి తెలుగు మరియు తమిళ వెర్షన్‌లతో పాటు మలయాళం మరియు కన్నడ డబ్బింగ్ వెర్షన్లలో కూడా అందుబాటులో ఉంది. ఉక్రెయిన్ బ్యూటీ మరియా ర్యాబోషప్క ఈ రొమాంటిక్ కామెడీ ఎంటర్టైనర్ లో శివకార్తికేయన్ సరసన హీరోయిన్ గా నటించింది. ఈ చిత్రం లో సత్యరాజ్ కీలక పాత్రలో నటించారు. శ్రీ వెంకటేశ్వర సినిమాస్ ఎల్‌ఎల్‌పి, సురేష్ ప్రొడక్షన్స్ మరియు శాంతి టాకీస్ సంయుక్తంగా నిర్మించిన ఈ చిత్రానికి మ్యూజికల్ సెన్సేషన్ థమన్ సంగీతం అందించారు.
