తమిళ హీరో శివ కార్తికేయన్ నటించిన బయోపిక్ ‘అమరన్’. ఈ సినిమా మేజర్ ముకుంద్ వరదరాజన్ జీవితకథ ఆధారంగా తెరకెక్కింది. రాజ్ కుమార్ పెరియస్వామి డైరెక్ట్ చేసిన ఈ సినిమాలో సాయి పల్లవి హీరోయిన్ గా నటించి మెప్పించింది. మొత్తానికి బయోగ్రాఫికల్ యాక్షన్ డ్రామాగా వచ్చిన ఈ సినిమా దీపావళికి అద్భుత హిట్ ఫిల్మ్ గా నిలిచింది. పైగా శివ కార్తికేయన్ ఈ సినిమాతో 250 కోట్ల క్లబ్‌లో చేరబోతున్నాడు. శివకార్తికేయన్ కెరీర్‌లోనే అత్యంత వేగవంతంగా ఈ సినిమా వంద కోట్లు కలెక్ట్ చేసింది.

కాగా ఈ రోజు లేదా రేపటి లోపు రూ.250 కోట్ల క్లబ్‌లోకి ఈ సినిమా ఎంటర్ కాబోతుంది. ఆదివారం వరకూ ఈ సినిమా 240 కోట్లకు పైగా వసూలు సాధించింది. కాబట్టి, రెండు రోజుల్లో రూ.250 కోట్లు రాబట్టడం గ్యారెంటీ. ఐతే, ఈ కలెక్షన్స్ తో శివ కార్తికేయన్ తన పేరిట సరికొత్త రికార్డు క్రియేట్ చేశారు. తమిళ హీరోల్లో సోలోగా 250 కోట్ల క్లబ్‌ లోకి ఎంట్రీ ఇచ్చిన 4వ హీరోగా శివ కార్తికేయన్ నిలిచాడు.

సోలోగా రూ. 250 కోట్ల క్లబ్‌లోకి ఇప్పటివరకు ముగ్గురు తమిళ హీరోలు మాత్రమే ఎంట్రీ ఇచ్చారు.

1) రజనీకాంత్ (OG తమిళ్‌కి 250 కోట్ల మార్క్ దాటింది)
2) కమల్ హాసన్
3) విజయ్ (ఎక్కువ సార్లు 250 కోట్ల మార్క్ ను దాటాడు విజయ్) \
4) ఇప్పుడు శివకార్తికేయన్ కూడా కొత్తగా ‘అమరన్’ సినిమాతో 250 కోట్ల క్లబ్ లోకి ఎంట్రీ ఇచ్చాడు.