కోలీవుడ్ టాలెంటెడ్ హీరో కార్తీ హీరోగా చేసిన అన్ని సినిమాల్లో కూడా తన నటనతో అదరగొట్టిన సినిమా అది కూడా విభిన్న గెటప్స్ లో కనిపించిన సినిమా “సర్దార్” అనే చెప్పాలి. ఒక సాలిడ్ స్పై యాక్షన్ థ్రిల్లర్ గా వచ్చిన ఈ చిత్రాన్ని దర్శకుడు పి ఎస్ మిత్రన్ తెరకెక్కించగా ఈ చిత్రం తమిళ్ తో పాటుగా తెలుగులో కూడా భారీ హిట్ అయ్యి మంచి వసూళ్లు సాధించింది.
ఇక ఈ సినిమాకి కూడా సీక్వెల్ ఉన్నట్టుగా మేకర్స్ కన్ఫర్మ్ చేశారు. అయితే ఈ సీక్వెల్ ఎప్పుడు స్టార్ట్ అవుతుందా అని చూస్తున్న వారికి ఫైనల్ గా ఇప్పుడు అప్డేట్ వచ్చేసింది. నేడు ఈ చిత్రం తమిళ నాట ముహూర్త కార్యక్రమాలను చేసుకోగా ఈ జూలై 14 నుంచే షూటింగ్ ని ఆరంభించుకోనుంది. మరి ఈ చిత్రాన్ని ఎస్ లక్ష్మణ్ కుమార్ తన బ్యానర్ ప్రిన్స్ సినిమాస్ పై నిర్మాణం వహించనున్నారు. వచ్చే ఏడాది ఈ సినిమా రిలీజ్ కి రానుంది.