నారా రోహిత్ తదుపరి చిత్రం “సోలో – సాలిడ్ లవ్ స్టొరీ ” ఈ రోజు సెన్సార్ జరుపుకోనుంది. ఈ రోజు సాయంత్రంలోపు సెన్సార్ పూర్తవుతుంది. కాజల్ అగర్వాల్ చెల్లెలు నిషా అగర్వాల్ హీరొయిన్ గా నటిస్తున్న ఈ చిత్రానికి పరుశురాం దర్శకత్వం వహిస్తున్నారు. ఈ చిత్రాన్నిఎస్వీకే బ్యానర్ పై వంశీ కృష్ణ శ్రీనివాస్ నిర్మిస్తున్నారు.
మణిశర్మ సంగీతం అందించిన ఈ చిత్ర ఆడియోకి శ్రోతల నుండి మంచి స్పందన లభిస్తోంది. మొదటి చిత్రం బాణంతో మంచి నటుడిగా ప్రేక్షకుల మన్ననలు పొందిన నారా రోహిత్ కి ఇది రెండవ చిత్రం. లవ్ బ్యాక్ డ్రాప్ తో పవర్ ఫుల్ ఫ్యామిలీ డ్రామాగా తెరకెక్కిన ఈ చిత్రంలో ప్రకాష్ రాజ్ మరియు జయసుధ ముఖ్య పాత్రలు పోషిస్తున్నారు.
ఈ చిత్రాన్ని ప్రపంచవ్యాప్తంగా నవంబరు 25 న విడుదలకి సన్నాహాలు చేస్తున్నారు.