ప్రముఖ నటుడు సోనూ సూద్ భార్య సోనాలి సూద్ భారీ ప్రమాదం నుంచి తృటిలో తప్పించుకున్నారు. నాగపూర్ హైవేపై ప్రయాణిస్తున్న సోనాలి సూద్ కారును అదుపుతప్పిన ఓ లారీ ఢీకొట్టడంతో ఈ ప్రమాదం చోటు చేసుకుంది. వెంటనే అప్రమత్తమైన కారు డ్రైవర్ చాకచక్యంగా కారును అదుపు చేశారు.

దీంతో పెను ప్రమాదం నుంచి సోనాలి సూద్ తప్పించుకున్నారు. అయితే ఈ ప్రమాదంలో ఆమెకు స్వల్ప గాయాలు అయ్యాయి. దీంతో ప్రస్తుతం సోనాలి సూద్ ముంబైలోని ఓ ప్రముఖ ఆసుపత్రిలో చికిత్స పొందుతున్నారు.

ఈ సందర్భంగా సోనూ సూద్ అభిమానులు ఎలాంటి ఆందోళనకు గురికావద్దని ఆయన టీం మీడియాకు తెలిపారు. భయపడాల్సిన అవసరం లేదని వారు తెలిపారు.