పాన్ ఇండియా స్టార్ ప్రభాస్ నటిస్తున్న లేటెస్ట్ మూవీ ‘ది రాజా సాబ్’ ఇప్పటికే శరవేగంగా షూటింగ్ జరుపుకుంటోంది. ఈ సినిమాను దర్శకుడు మారుతి పూర్తి హార్రర్ కామెడీ ఎంటర్‌టైనర్‌గా తెరకెక్కిస్తున్నాడు. ఇక ఈ సినిమా తరువాత ప్రభాస్ ‘ఫౌజీ’ అనే సినిమాలో నటిస్తున్నాడు. ఈ సినిమా తరువాత తన నెక్స్ట్ చిత్రాన్ని దర్శకుడు సందీప్ రెడ్డి వంగా డైరెక్షన్‌లో తెరకెక్కించనున్నాడు.
ఈ సినిమాకు ‘స్పిరిట్’ అనే ఇంట్రెస్టింగ్ టైటిల్‌ను మేకర్స్ ఫిక్స్ చేశారు. కాగా, ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. ఈ సినిమాకు సంబంధించి తాజాగా ఓ ఇంట్రెస్టింగ్ వార్త సినీ వర్గాల్లో చక్కర్లు కొడుతోంది. ‘స్పిరిట్’ సినిమాను అత్యంత ప్రెస్టీజియస్‌గా దర్శకుడు సందీప్ రెడ్డి వంగా తెరకెక్కించనున్నాడు. అయితే, ఈ సినిమాలో ఓ స్పెషల్ సాంగ్ ఉండనుందని.. ఇది సినిమాకే హైలైట్‌గా నిలిచి సెన్సేషన్ క్రియేట్ చేయడం ఖాయమని తెలుస్తోంది.
ఈ స్పెషల్ సాంగ్ కోసం మ్యూజిక్ డైరెక్టర్ హర్షవర్ధన్ రామేశ్వర్ ఇప్పటికే సాలిడ్ ట్యూన్ కూడా కంపోజ్ చేశాడని తెలుస్తోంది. మొత్తానికి ‘స్పిరిట్’ విషయంలో దర్శకుడు సందీప్ రెడ్డి వంగా ఎలాంటి అంచనాలను క్రియేట్ చేస్తాడా అనేది ఆసక్తికరంగా మారింది.