సాయి ధరమ్ తేజ్ కొత్త మూవీ అప్డేట్ సిద్ధం!

సుప్రీమ్ హీరో సాయి ధరమ్ తేజ్ ప్రస్తుతం తన కెరీర్‌లోని 18వ చిత్రాన్ని తెరకెక్కిస్తున్నాడు. ఈ సినిమాను రోహిత్ అనే కొత్త దర్శకుడు డైరెక్ట్ చేస్తున్నాడు. ఇప్పటికే ఈ సినిమాను అధికారికంగా ప్రారంభించిన చిత్ర యూనిట్, షూటింగ్ కూడా మొదలుపెట్టింది.

అయితే, ఈ సినిమా నుంచి ఓ సాలిడ్ అప్డేట్‌ని ఇచ్చేందుకు మేకర్స్ రెడీ అయ్యారు. SDT18 మూవీకి సంబంధించిన స్పెషల్ అప్డేట్‌ను రేపు అనగా సెప్టెంబర్ 6న రివీల్ చేయబోతున్నట్లు చిత్ర యూనిట్ ప్రకటించింది. దీంతో ఈ అప్డేట్ ఏమై ఉంటుందా అని అభిమానులు ఆసక్తిగా ఎదురుచూస్తున్నారు.

ఇక ఈ సినిమాను పీరియాడిక్ యాక్షన్ డ్రామాగా చిత్ర యూనిట్ తెరకెక్కిస్తుండగా, ప్రైమ్‌షో ఎంటర్‌టైన్‌మెంట్స్ బ్యానర్‌పై ఈ చిత్రాన్ని నిరంజన్ రెడ్డి భారీ బడ్జెట్‌తో ప్రొడ్యూస్ చేస్తున్నారు. సాయి ధరమ్ తేజ్ కెరీర్‌లోనే ఇది హై బడ్జెట్ మూవీగా రానుంది.