యువ నటుడు రవి హీరోగా నటించిన తాజా సైకలాజికల్ హారర్ థ్రిల్లర్ మూవీ అస్విన్స్. ఈ సినిమా జూన్ 23, 2023న థియేటర్లలో గ్రాండ్ గా విడుదలైంది, అయితే ప్రేక్షకులను మెప్పించడంలో కొంత విఫలమైంది. ఇక లేటెస్ట్ అప్ డేట్ ఏమిటంటే, ఈ సినిమాని థియేటర్స్ లో మిస్ అయిన సినీ ప్రియుల కోసం తాజాగా దీని ఓటిటి రిలీజ్ డేట్ అనౌన్స్ చేయడం జరిగింది. ప్రముఖ ఓటిటి ప్లాట్‌ఫారమ్ నెట్‌ఫ్లిక్స్ తన సోషల్ మీడియా ప్రొఫైల్‌లలో అస్విన్స్ తమ ప్లాట్‌ఫారమ్‌లో జూలై 20 నుండి ప్రసారం కానుందని ప్రకటించింది.
ఈ సినిమా తెలుగు, తమిళం, మలయాళం మరియు కన్నడ భాషలలో అందుబాటులో ఉంటుంది. నూతన దర్శకుడు తరుణ్ తేజ రచన మరియు దర్శకత్వం వహించిన ఈ సినిమాలో విమలా రామన్ మరియు మురళీధరన్ కీలక పాత్రలు పోషించగా ఇతర పాత్రల్లో సిమ్రాన్ పరీక్, ఉదయ దీప్ మరియు సరస్వతి కనిపించారు. ఈ హర్రర్ థ్రిల్లర్‌ని నిర్మాత బివిఎస్ఎన్ ప్రసాద్ తన హోమ్ బ్యానర్ శ్రీ వెంకటేశ్వర సినీ చిత్ర బ్యానర్‌పై నిర్మించారు. విజయ్ సిద్ధార్థ్ సంగీత దర్శకత్వం వహించిన ఈ సినిమా ఎంతమేర ఓటిటి ఆడియన్స్ ని ఆకట్టుకుంటుందో చూడాలి.
