తమ టాలెంట్ తో ఎంతో కష్టపడి హీరోలుగా ఎదిగి మంచి గుర్తింపు తెచ్చుకున్న ముగ్గురు యువ హీరోల సినిమాలు ఈరోజు విడుదల అవుతున్నాయి. అయితే వారిలో కాస్త సీనియార్టీ మాత్రం శర్వానంద్ కు ఉంది. తాను చేసిన లేటెస్ట్ మెసేజ్ సబ్జెక్ట్ “శ్రీకారం” ప్రియాంకా అరుళ్ మోహన్ హీరోయిన్ గా బి కిశోర్ దర్శకత్వంలో తెరకెక్కించిన ఈ చిత్రం డీసెంట్ బజ్ నడుమ విడుదల అవుతుంది. అయితే ఈ సందర్భంగా శర్వా ఇచ్చిన ఓ ఇంటర్వ్యూలో పావులు ఆసక్తికర విషయాలనే చెప్పాడు.
ఈ సినిమాకు సూపర్ స్టార్ మహేష్ చేసిన “మహర్షి”కు చాలా వ్యత్యాసం ఉంటుందని అందులో వీకెండ్ ఫార్మింగ్ కోసం ఉంటే ఇందులో వ్యవసాయం కోసం వేరు నుంచి చిగురు వరకు ఉంటుందని తెలిపాడు. అంతే కాకుండా ఈ సబ్జెక్ట్ చేస్తున్నప్పుడు నాకు వ్యవసాయం మీద చాలా గౌరవం, ప్రేమ పెరిగాయని ఒకవేళ సినిమాలు కానీ వదిలేస్తే ఖచ్చితంగా నా వృత్తిగా వ్యవసాయాన్నే ఎంచుకుంటానని శర్వా చెప్పాడు. దీనిని బట్టి తనకి శ్రీకారం చిత్రం పర్సనల్ గా ఎంత హత్తుకుందో మనం అర్ధం చేసుకోవచ్చు.