ఐకాన్ స్టార్ అల్లు అర్జున్ నటిస్తున్న ప్రెస్టీజియస్ మూవీ ‘పుష్ప-2’ డిసెంబర్ 5న గ్రాండ్‌గా రిలీజ్ చేసేందుకు మేకర్స్ రెడీ అవుతున్నారు. ఇక ఈ సినిమా నుండి స్పెషల్ ఐటెం సాంగ్ అయిన ‘కిసిక్’ను నవంబర్ 24న రిలీజ్ చేస్తున్నట్లు మేకర్స్ ఇప్పటికే వెల్లడించారు. చెన్నైలో జరిగే ఈవెంట్‌లో ఈ సాంగ్‌ను మేకర్స్ రిలీజ్ చేయనున్నారు.
అయితే, ఈ ఈవెంట్‌లో అల్లు అర్జున్, రష్మిక సందడి చేయనున్నారు. కాగా, ఇప్పుడు ఈ ఈవెంట్‌లో యంగ్ బ్యూటీ శ్రీలీల కూడా పాల్గొనబోతున్నట్లు తెలుస్తోంది. అంతేగాక, ఈ ఈవెంట్‌లో శ్రీలీల స్పెషల్ డ్యాన్స్ పర్ఫార్మెన్స్ కూడా చేయబోతుందని తెలుస్తోంది. కానీ, ఈ విషయానికి సంబంధించిన అధికారిక ప్రకటన రావాల్సి ఉంది. ఇక ఈ ‘కిసిక్’ సాంగ్ ఎలా ఉండబోతుందో తెలియాలంటే రేపటి వరకు వెయిట్ చేయాల్సిందే.