సుప్రీమ్ హీరో సాయి దుర్గ తేజ్ నటిస్తున్న ప్రెస్టీజియస్ మూవీ ప్రస్తుతం శరవేగంగా షూటింగ్ జరుపుకుంటోంది. ఈ సినిమాను రోహిత్ కెపి డైరెక్ట్ చేస్తుండగా సరికొత్త కంటెంట్‌తో ఈ మూవీ ప్రేక్షకులను అలరించేందుకు సిద్ధమవుతోంది. ఇప్పటికే ఈ సినిమా షూటింగ్ ఏ స్థాయిలో జరుగుతుందో మనకు మేకింగ్ వీడియో గ్లింప్స్‌లో చూపెట్టారు. ఇక ఈ సినిమాను భారీ బడ్జెట్‌తో పాటు భారీ క్యాస్టింగ్‌తో తెరకెక్కిస్తున్నారు.
ఇప్పటికే ఈ సినిమాలో సీనియర్ యాక్టర్స్ జగపతి బాబు, సాయి కుమార్ వంటి వారు నటిస్తున్నట్లు మేకర్స్ వెల్లడించారు. ఇక ఇప్పుడు మరో సీనియర్ యాక్టర్ శ్రీకాంత్ కూడా ఈ సినిమాలో పవర్‌ఫుల్ పాత్రలో నటించబోతున్నట్లు చిత్ర యూనిట్ వెల్లడించింది. ఈ మేరకు ఓ పోస్టర్‌తో అనౌన్స్ చేసింది. ఈ సినిమాలో సాయి దుర్గ తేజ్ సరికొత్త మేకోవర్‌తో పవర్‌ఫుల్ పాత్రలో కనిపించనున్నాడు.
ఇక ఈ సినిమాలో అందాల భామ ఐశ్వర్య లక్ష్మీ హీరోయిన్‌గా నటిస్తుండగా ఈ చిత్రానికి అజనీష్ లోక్‌నాథ్ సంగీతం అందిస్తున్నాడు. ఈ సినిమాను నిరంజన్ రెడ్డి, చైతన్య రెడ్డి భారీ బడ్జెట్‌తో ప్రొడ్యూస్ చేస్తున్నారు.