నాని పై తన అభిమానం ఈ విధంగా చాటుకున్న “దసరా” దర్శకుడు

తెలుగు సినీ పరిశ్రమలో ప్రత్యేక చిత్రాలతో గుర్తింపు తెచ్చుకున్న నటుడు నాని. నాచురల్ స్టార్ గా అభిమానుల హృదయాల్లో చోటు సంపాదించుకున్న నాని, ఇటీవల దసరా చిత్రంలో తన అద్భుత నటనకు గానూ, ఫిల్మ్ ఫేర్ అవార్డును అందుకున్నాడు. కొత్త దర్శకులతో సినిమాలు చేస్తూ, కొత్త కథలను ప్రేక్షకులను అందిస్తున్నాడు నాని. అయితే దసరా చిత్రానికి దర్శకత్వం వహించిన శ్రీకాంత్ ఓదెల తాజాగా సోషల్ మీడియా వేదికగా ఒక ఆసక్తికరమైన పోస్ట్ ను షేర్ చేశారు.

దసరా ఫస్ట్ డే షూటింగ్ లో హీరో నాని చేసిన ఒక షాట్ ను, అవార్డు అందుకుంటున్న మరొక షాట్ ను జత చేసి పోస్ట్ చేశారు. అంతేకాక తన అభిమానాన్ని ఈ విధంగా చాటుకున్నారు. “నువ్వు వేరే అన్న, బాంఛెత్. యూ డిఫైన్ దసరా. థాంక్యూ ఫర్ ఇన్స్పైరింగ్ మి నాని అన్నా ” అంటూ చెప్పుకొచ్చారు. ఊరికే వీడియో పోస్ట్ చేయాలనిపించింది అని పేర్కొన్నారు. ఈ పోస్ట్ కొద్ది సేపటికే వైరల్ గా మారుతోంది. ఈ చిత్రంలో కీర్తి సురేష్ హీరోయిన్ గా నటించగా, సంతోష్ నారాయణన్ సంగీతం అందించారు.