నందమూరి నటసింహం బాలయ్య భక్తిరస చిత్రం ‘శ్రీ రామ రాజ్యం’ పోస్ట్ ప్రొడక్షన్ వర్క్ దాదాపు పూర్తి కావచ్చింది. ఈ సినిమాలో బాలకృష్ణ – నాయనతార సీతారాములు గా ప్రధాన పాత్రలు పోషిస్తున్నారు. సుప్రసిద్ధ దర్శకుడు బాపు ఈ చిత్రానికి దర్శకత్వం వహిస్తున్నారు. సాయిబాబా ఎలాంటి వ్యయ ప్రయాసలకూ వెనుకాడక భారీ వ్యయం తో ఈ చిత్రాన్ని నిర్మిస్తున్నారు. అక్కినేని నాగేశ్వరరావు వాల్మీకి పాత్ర పోషిస్తుండగా, లక్ష్మణుడి పాత్రలో శ్రీకాంత్ నటిస్తున్నారు.
ఈ చిత్రంలో ఎన్నో స్పెషల్ ఎఫ్ఫెక్ట్స్ ప్రేక్షకులను మత్రముగ్దులను చేయనున్నాయి. మొత్తంగా చిత్రంలో ఎలాంటి లోటుపాట్లూ లేకుండా చూసేందుకు చాలా జాగ్రత్తలు తీసుకుంటున్నారు. ఈ మధ్యే సంగీత దర్శకుడు ఇళయరాజా రికార్డింగ్స్ అన్నీ పూర్తి చేసారు. ఈ మూవీ ఆడియో ఇప్పటికే విజయవంతం అయింది. బాలకృష్ణ ఫస్ట్ లుక్ అందరికీ ఎన్నో ఆశలను రేకెత్తించే విధంగా ఉంది. మూవీ ఫస్ట్ హాఫ్ పోస్ట్ ప్రొడక్షన్ వర్క్ కొన్ని రోజుల క్రితమే పూర్తి అయింది. దీనికి సంబంధించిన నెగిటివ్స్ కూడా యూనిట్ సిద్దం చేసింది.
ఈ సినిమా నవంబర్ 17 న ప్రేక్షకుల ముందుకు రానుంది.