యువ నటుడు శ్రీవిష్ణు హీరోగా ప్రదీప్ వర్మ దర్శకత్వంలో బెక్కెం వేణుగోపాల్ ప్రతిష్టాత్మకంగా నిర్మించిన తాజా సినిమా అల్లూరి. కయదు లోహర్ హీరోయిన్ గా నటించిన ఈ మూవీ ఇటీవల ప్రేక్షకుల ముందుకి వచ్చి మంచి విజయం అందుకుంది. నీతి, నిజాయితీ గల పోలీస్ అధికారిగా ఈ సినిమాలో శ్రీవిష్ణు తన అద్భుత నటనతో అందరినీ ఆకట్టుకున్నారు.
ఇక ఇటీవల ఈ సినిమా ప్రముఖ ఒటిటి మాధ్యమం ఆహా ద్వారా బుల్లితెర ఆడియన్స్ ముందుకి వచ్చింది. అయితే ఈ సినిమాకి ప్రస్తుతం ఓటిటి ఆడియన్స్ నుండి మంచి రెస్పాన్స్ లభిస్తుండడం విశేషం. కాగా ఈ సినిమా ఇప్పటివరకు 35 మిలియన్ నిమిషాల వ్యూస్ ని సొంతం చేసుకుందని కొద్దిసేపటి క్రితం ఆహా వారు తమ సోషల్ మీడియా అకౌంట్స్ లో అధికారికంగా ప్రకటించారు. దానితో యూనిట్ ఆనందం వ్యక్తం చేస్తోంది. హర్షవర్ధన్ రామేశ్వర్ సంగీతం అందించిన అల్లూరి మూవీకి కెమెరా మ్యాన్ గా రాజ్ తోట పని చేసారు.
