“మత్తు వదలరా 2” టీజర్ పై రాజమౌళి కామెంట్స్!

శ్రీ సింహ కోడూరి ప్రధాన పాత్రలో, దర్శకుడు రితేష్ రానా దర్శకత్వంలో తెరకెక్కిన కామెడీ ఎంటర్టైనర్ మత్తు వదలరా 2. ఈ చిత్రం గతంలో రిలీజైన మత్తు వదలరా చిత్రానికి సీక్వెల్ గా తెరకెక్కుతోంది. తాజాగా రిలీజైన టీజర్ ఆద్యంతం ఆసక్తికరంగా సాగింది. ఈ టీజర్ ను చూసిన దర్శక దిగ్గజం ఎస్ ఎస్ రాజమౌళి సోషల్ మీడియా వేదికగా పలు ఆసక్తికర వ్యాఖ్యలు చేశారు.

“హి హి హి, హి టీమ్. మా అబ్బాయిలు మత్తు వదలరా 2 తో మళ్లీ వచ్చారు. టీజర్ డైలాగ్‌లు చాలా సరదాగా ఉన్నాయి. విజువల్స్ చాలా వైబ్రెంట్ గా ఉన్నాయి. ఈ సీక్వెల్ పై అంచనాలు భారీగా ఉన్నాయి. సెప్టెంబరు 13న టిక్కెట్లు తస్కరించడం కోసం అంతా సిద్ధం” అంటూ చెప్పుకొచ్చారు రాజమౌళి. ఈ చిత్రంలో సత్య, వెన్నెల కిషోర్, ఫరియా అబ్దుల్లా కీలక పాత్రల్లో కనిపించనున్నారు. క్లాప్ ఎంటర్ టైన్మెంట్ మరియు మైత్రి మూవీ మేకర్స్ బ్యానర్లపై నిర్మిస్తున్న ఈ చిత్రానికి కాల భైరవ సంగీతం అందిస్తున్నాడు. ఈ చిత్రంపై ప్రేక్షకుల్లో ఆసక్తి నెలకొంది.