ఇప్పుడు ప్రపంచ క్రికెట్ అభిమానులు ఈ మార్చ్ 9 కోసం ఎంతో ఆసక్తిగా ఎదురు చూస్తున్నారు. ఎందుకంటే ఐసీసీ ఛాంపియన్స్ ట్రోఫీ 2025లో భారత్ వర్సెస్ న్యూజిలాండ్ ఫైనల్ మ్యాచ్ మార్చి 9, 2025 నాడు దుబాయ్ ఇంటర్నేషనల్ క్రికెట్ స్టేడియంలో జరగనుంది. ఈ మ్యాచ్ 25 సంవత్సరాల తర్వాత ఈ రెండు జట్లు ప్రధాన వైట్ బాల్ క్రికెట్ టోర్నమెంట్ ఫైనల్‌లో తలపడటం ఇదే మొదటిసారి కావడంతో మరింత ఉత్సుకత నెలకొంది.
రోహిత్ శర్మ నాయకత్వంలోని భారత జట్టు టోర్నమెంట్‌లో ఇప్పటివరకు అజేయంగా కొనసాగి, బలమైన అభ్యర్థిగా నిలుస్తోంది. మిచెల్ సాంట్నర్ నేతృత్వంలోని న్యూజీలాండ్ తమ గ్రూప్ స్టేజ్ ఓటమిని తీర్చుకోవాలని చూస్తోంది మరియు తమ రెండవ గ్లోబల్ వైట్ బాల్ టైటిల్‌ను సాధించాలని లక్ష్యంగా పెట్టుకుంది. అయితే ఈ కీలక ఫైనల్స్ లో ఏ జట్టు ఎలా సన్నద్ధం ఉంది దేని బలాబలగాలు ఏంటి అనేవి చూద్దాం.
భారత క్రికెట్ జట్టు వ్యూహాత్మక ప్రణాళికలు
బ్యాటింగ్ వ్యూహం:
భారత జట్టు తమ టాప్ ఆర్డర్ బ్యాట్స్‌మెన్‌లైన రోహిత్ శర్మ, శుభ్‌మన్ గిల్, విరాట్ కోహ్లీలపై ఆధారపడి బలమైన పునాదిని ఏర్పాటు చేసుకోవాలని ప్రయత్నిస్తుంది. మిడిల్ ఆర్డర్‌లో శ్రేయాస్ అయ్యర్ మరియు హార్దిక్ పాండ్యా ఇన్నింగ్స్ చివరి దశల్లో స్కోరింగ్ రేటును పెంచడానికి ట్రై చేస్తున్నారు. ఈ సిరీస్ లో ఫుల్ ఫామ్ లో ఉన్నారు. ఫైనల్స్ కి కూడా ఇదే ప్లాన్ తో వెళుతున్నారు.
బౌలింగ్ వ్యూహం:
ఇక బౌలింగ్ లో చూసుకున్నట్టయితే భారత జట్టు తమ స్పిన్ జత కుల్దీప్ యాదవ్ మరియు వరుణ్ చక్రవర్తిని ఉపయోగించి దుబాయ్ ఇంటర్నేషనల్ క్రికెట్ స్టేడియంలో ఏర్పడే స్పిన్ అనుకూల పరిస్థితులను దోహదపడేలా చేసుకోవాలని ప్రయత్నిస్తుంది. ఫాస్ట్ బౌలర్లు మొహమ్మద్ షమీ మరియు హార్దిక్ పాండ్యా న్యూజీలాండ్ బ్యాటింగ్ లైనప్‌పై ఒత్తిడి తీసుకురావడానికి తొలి వికెట్లను తీసుకోవడంపై దృష్టి పెట్టేలా ప్రణాళికలు చేస్తున్నారు.
ఫీల్డింగ్ మరియు జట్టు డైనమిక్స్:
భారత జట్టు తమ ఫీల్డింగ్‌ను మెరుగు పరచాల్సిన అవసరం ఉంది. ఈ సిరీస్ లోనే అత్యధిక క్యాచ్ లు మిస్ చేసిన జట్లలో భారత్ కూడా ఉంది. మెయిన్ గా న్యూజీలాండ్ స్కోరింగ్ అవకాశాలను పరిమితం చేయడానికి స్మార్ట్ టీమ్ పొజిషనింగ్‌పై దృష్టి పెట్టాల్సి ఉంది. ఆల్‌రౌండర్లు అక్షర్ పటేల్ మరియు రవీంద్ర జడేజా బ్యాటింగ్ మరియు బౌలింగ్ రెండింటిలోనూ కీలక పాత్ర పోషిస్తారు.
ఫలితాన్ని ప్రభావితం చేసే అంశాలు:
న్యూజీలాండ్ బలమైన స్పిన్ బౌలింగ్ లైనప్‌ను కలిగి ఉంది, దీనిలో మిచెల్ సాంట్నర్, మైఖేల్ బ్రేస్‌వెల్, రచిన్ రవీంద్ర ఉన్నారు. ఇది భారత బ్యాట్స్‌మెన్‌లకు సవాలుగా మారవచ్చు.
ఇక కేన్ విలియమ్సన్ బ్యాటింగ్ ఫామ్ న్యూజీలాండ్‌కు కీలకం. అతను ఇన్నింగ్స్‌ను క్లిష్ట పరిస్థితులు నుంచి విన్నింగ్ వరకు తీసుకెళ్లిపోగలిగే సత్తా కలవాడు. కాబట్టి కేన్ వికెట్ భారత జట్టుకి చాలా కీలకం.
భారత జట్టు టోర్నమెంట్‌లో అజేయంగా ఉండటం వల్ల వారికి మెమెంటమ్ ఉంది. న్యూజీలాండ్ తాజాగా దక్షిణాఫ్రికాపై విజయం సాధించడంతో వారి విశ్వాసం పెరిగింది. సో ఇలా రెండు అన్ బీటబుల్ టీమ్స్ నడుమ మ్యాచ్ విన్నింగ్ అనేది ఇరు జట్లకు ఒకింత సవాలు అని చెప్పవచ్చు.
దుబాయ్‌లో వర్షం అసంభవం, అయితే ఏదైనా అనూహ్య వాతావరణ అంతరాయాలు మ్యాచ్ ఫలితాన్ని ప్రభావితం చేయవచ్చు. మ్యాచ్ టై అయితే, సూపర్ ఓవర్ ద్వారా విజేతను నిర్ణయిస్తారు.
ఇలా ఈ అంశాలన్నీ కలిసి ఫైనల్ మ్యాచ్‌ను ఆసక్తికరంగా మార్చగలవు. భారత్ మరియు న్యూజిలాండ్ రెండూ తమ బలాలను మరియు బలహీనతలను బట్టి తమ వ్యూహాలను సమర్థవంతంగా అమలు చేయాల్సి ఉంటుంది.