మన ఇండియన్ సినిమా దగ్గర ఉన్నటువంటి అనేక జానర్స్ లో తక్కువ టచ్ చేసిన జానర్ సూపర్ హీరో జానర్ అని చెప్పాలి. మరి ఈ జానర్ లో దాదాపు అన్ని భాషల్లో కూడా పలు చిత్రాలు ఉండగా బాలీవుడ్ నుంచి వచ్చిన “క్రిష్” అయితే సెన్సేషనల్ హిట్ అని చెప్పాలి. బాలీవుడ్ గ్రీక్ గాడ్ హృతిక్ రోషన్ హీరోగా చేసే ఈ ఫ్రాంచైజ్ కి మంచి క్రేజ్ ఉంది.
దాదాపు దశాబ్ద కాలం కితం వచ్చిన “క్రిష్ 3” కి సీక్వెల్ “క్రిష్ 4” కోసం పాన్ ఇండియా ఆడియెన్స్ ఎప్పుడు నుంచో ఆసక్తిగా ఎదురు చూస్తూ వస్తున్నారు. అయితే లేటెస్ట్ గా ఈ సినిమాలో బాలీవుడ్ బ్యూటీ శద్ధా కపూర్ నటిస్తున్నట్టుగా పలు రూమర్స్ వచ్చాయి. మరి వీటిపై ఈ సాహో బ్యూటీపై గుడ్ న్యూస్ వినిపించేలానే ఉందని చెప్పాలి.
సోషల్ మీడియాలో వైరల్ అవుతున్న పోస్ట్ కి గాను హృతిక్ స్పందించి శ్రద్దా కోసం జాదూ కి చెప్తాను అంటూ రిప్లై పెట్టగా దానికి శ్రద్దా ఎగ్జైట్ అవుతూ ఎప్పుడు ఎక్కడా నిజంగానా అన్నట్టుగా మరో రిప్లై ఇచ్చింది. దీనితో ఈ భారీ ప్రాజెక్ట్ లోకి శ్రద్దా రావడం దాదాపు ఖాయం అని చెప్పొచ్చు. మరి లేటెస్ట్ గా శ్రద్ధ నటించిన హారర్ సినిమా “స్త్రీ 2” బాలీవుడ్ హిట్ అయ్యి రికార్డు వసూళ్లు కొల్లగొడుతుంది.
