రీసెంట్ గా బాలీవుడ్ సినిమా నుంచి రిలీజ్ కి వచ్చిన లేటెస్ట్ సినిమా “స్త్రీ 2” కోసం అందరికీ తెలిసిందే. స్టార్ హీరోయిన్ శ్రద్దా కపూర్ అలాగే రాజ్ కుమార్ రావు తదితర టాలెంటెడ్ నటీనటులతో దర్శకుడు అమర్ కౌశిక్ తెరకెక్కించిన ఈ హారర్ కామెడీ థ్రిల్లర్ ఊహించని ఓపెనింగ్స్ అందుకొని రికార్డులు కొల్లగొడుతుంది.
అలా మొదటి రోజు నుంచి బాలీవుడ్ స్టార్ హీరోల సినిమాల వసూళ్లతో సమానంగా అదరగొడుతున్న ఈ చిత్రం ఇప్పుడు మొదటి వారం రన్ ని వరల్డ్ వైడ్ గా కంప్లీట్ చేసుకుంది. అయితే ఈ మొదటి వారంలోనే ఈ చిత్రం ఏకంగా 400 కోట్ల మార్క్ ని క్రాస్ చేసేసి సెన్సేషనల్ రికార్డు సెట్ చేసింది.
ఇండియన్ సినిమా దగ్గర ఏ హీరోయిన్ కి కూడా లేని రికార్డు ఇప్పుడు శ్రద్ధ కపూర్ కి సొంతం కాగా మొదటి వారంలోనే హైయెస్ట్ నెంబర్ వసూళ్లు అందుకున్న సినిమాల్లో ఒకటిగా నిలిచింది. అయితే మేకర్స్ అఫీషియల్ గా ఇచ్చిన నంబర్స్ చూసినట్టు అయితే మొదటి వారం పూర్తి చేసుకునేసరికి ఈ చిత్రం 401 కోట్ల గ్రాస్ ని అందుకుంది.
మరి ఇందులో ఓవర్సీస్ నుంచి 59 కోట్ల వసూళ్లు అందుకోగా ఇండియా మొత్తంగా 342 కోట్ల గ్రాస్ ని కలెక్ట్ చేసింది. ఇలా మొత్తంగా ఈ చిత్రం భారీ రికార్డు సెట్ చేసింది అని చెప్పాలి.