రీసెంట్ గా బాలీవుడ్ సినిమా దగ్గర రిలీజ్ కి వచ్చి బాక్సాఫీస్ దగ్గర భారీ వసూళ్లతో అదరగొడుతున్న సినిమా ఏదన్న ఉంది అంటే ఆ చిత్రం శ్రద్దా కపూర్ నటించిన హారర్ థ్రిల్లర్ చిత్రం “స్త్రీ 2” అనే చెప్పాలి. మరి ఈ చిత్రాన్ని దర్శకుడు అమర్ కౌశిక్ తెరకెక్కించగా 2018 లో చేసిన స్త్రీ కి సీక్వెల్ గా ఇది వచ్చింది. అయ్యితే మంచి క్రేజ్ నడుమ వచ్చిన ఈ సినిమా అంచనాలు అందుకొని స్త్ర హీరోస్ రేంజ్ లో బాక్సాఫీస్ దగ్గర దుమ్ము లేపుతుంది.
ఇలా ఈ చిత్రం లేటెస్ట్ గా 450 కోట్లకి పైగా వసూళ్లు మార్క్ అందుకొని అదరగొట్టింది. మొదటి వారం పూర్తి చేసుకునేసరికి ఈ చిత్రం 400 కోట్ల క్లబ్ లోకి చేరిపోగా మళ్ళీ ఈ రెండు రోజుల్లోనే ఏకంగా మరో 50 కోట్లకి పైగా వసూళ్లు అందుకొని 500 కోట్ల దిశగా వెళ్ళిపోతుంది. ఇలా మొత్తం 9 రోజుల్లో ఈ చిత్రం 456 కోట్లకి పైగా గ్రాస్ ని వరల్డ్ వైడ్ గా అందుకొని అదరగొట్టింది. ఇక ఇందులో ఇండియా నుంచే 386 కోట్లకి పైగా వసూళ్లు ఉంటే మిగతా మొత్తం ఓవర్సీస్ మార్కెట్ నుంచి వచ్చింది. ఇలా మొత్తంగా అయితే ఈ క్రేజీ సినిమా బాక్సాఫీస్ ని షేక్ చేస్తుంది అని చెప్పాలి.
