బాలీవుడ్ స్టార్ బ్యూటీ శ్రద్ధా కపూర్ నటించిన లేటెస్ట్ మూవీ ‘స్త్రీ-2’ ఇటీవల రిలీజ్ అయ్యి బాక్సాఫీస్ దగ్గర సెన్సేషన్ క్రియేట్ చేస్తోంది. ఈ సినిమాను హారర్ కామెడీగా రూపొందించగా, ఆడియెన్స్ ఈ సినిమాను పూర్తిగా ఎంజాయ్ చేస్తున్నారు. దీంతో ఈ మూవీ రిలీజ్ అయ్యి రెండు వారాలు అవుతున్నా, వసూళ్లు మాత్రం తగ్గడం లేదు.
ఇప్పటికే ఈ సినిమా రూ.401 కోట్ల మేర వసూళ్ల రాబట్టగా, రూ.400 కోట్ల క్లబ్‌లో చేరి సరికొత్త రికార్డును క్రియేట్ చేసింది. దీంతో ఈ ఏడాదిలోనే హయ్యెస్ట్ గ్రాసింగ్ హిందీ చిత్రంగా ‘స్త్రీ-2’ నిలిచింది. సెకండ్ వీకెండ్‌లో బాక్సాఫీస్ దగ్గర ఈ సినిమా రూ.93.85 కోట్లు వసూలు చేసి, గత రికార్డును దాటేసింది. గతంలో ‘గదర్-2’ చిత్రం రూ.90.47 కోట్లు సెకండ్ వీకెండ్‌లో రాబట్టి టాప్ ప్లేస్‌లో నిలవగా, ఇప్పుడు ‘స్త్రీ-2’ ఆ రికార్డును క్రాస్ చేసింది.
‘స్త్రీ-2’ సినిమాలో రాజ్‌కుమార్ రావు, పంకజ్ త్రిపాఠి, అభిషేక్ బెనర్జీ తదితరులు ఇతర ముఖ్య పాత్రల్లో నటించారు. ఈ చిత్రాన్ని అమర్ కౌశిక్ డైరెక్ట్ చేశారు. ఇప్పట్లో బాలీవుడ్ బాక్సాఫీస్ దగ్గర బడా సినిమాల రిలీజ్ లేకపోవడంతో, ‘స్త్రీ-2’ వసూళ్లు ఇంకా పెరిగే అవకాశం ఉన్నట్లుగా సినీ ఎక్స్‌పర్ట్స్ చెబుతున్నారు.
