కోలీవుడ్ స్టార్ యాక్టర్ సూర్య ప్రధాన పాత్రలో నటిస్తున్న ఫాంటసీ యాక్షన్ ఎంటర్టైనర్ కంగువా. దర్శకుడు శివ దర్శకత్వంలో తెరకెక్కుతున్న ఈ చిత్రంలో దిశా పటాని మరియు బాబీ డియోల్ లు కీలక పాత్రల్లో కనిపించనున్నారు. స్టూడియో గ్రీన్ మరియు యూవీ క్రియేషన్స్ బ్యానర్ల పై నిర్మిస్తున్న ఈ చిత్రానికి రాక్ స్టార్ దేవి శ్రీ ప్రసాద్ సంగీతాన్ని అందిస్తున్నాడు. తాజాగా ఈ చిత్రం నుండి సూర్య స్టన్నింగ్ పోస్టర్ ను విడుదల చేసారు.
సినీ పరిశ్రమలో నటుడు సూర్య 27 ఏళ్లు పూర్తి చేసుకున్న సందర్భంగా ఈ పవర్ ఫుల్ పోస్టర్ ను విడుదల చేసారు. రిలీజ్ అయిన పోస్టర్ ప్రేక్షకులను, అభిమానులని బాగా ఆకట్టుకుంటుంది. జగపతి బాబు, నటరాజన్ సుబ్రమణ్యం, యోగి బాబు, కోవై సరళ, కే.ఎస్. రవి కుమార్ తదితరులు ముఖ్య పాత్రల్లో కనిపించనున్న ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.