హీరో సూర్య చేసిన కొత్త చిత్రం ‘సూరరై పోట్రు’. తెలుగులో ‘ఆకాశం నీ హద్దురా !’ పేరుతో విడుదల అయి, మంచి విజయాన్ని సాధించింది. ఎయిర్ డెక్కన్ విమానయాన సంస్థ ఫౌండర్, పైలట్ జీఆర్ గోపినాధ్ జీవిత కథ ఆధారంగా ఈ చిత్రం తెరకెక్కింది. జాతీయ అవార్డులు అందుకుంది. ఇప్పుడిదే చిత్రాన్ని అక్షయ్‌ కుమార్‌ హీరోగా బాలీవుడ్‌లో ‘సర్ఫిరా’గా ఆమె తెరకెక్కించారు ఆమె. ఈ చిత్రం ఇటీవల ప్రేక్షకుల ముందుకు వచ్చింది.
ఈ నేపథ్యంలో సుధా కొంగర ఓ ఇంటర్వ్యూలో మాట్లాడుతూ.. ‘ఒకే కథను వేర్వేరు భాషల్లో తెరకెక్కించడం సవాళ్లతో కూడుకున్నది. ఐతే, నార్త్ ప్రేక్షకులకు కూడా మన కథ చేరువవుతుందనే సంతోషం మాత్రం నాకు ఎక్కువ కలిగింది. అక్షయ్‌ కుమార్‌ విలక్షణ నటుడు. మంచి వ్యక్తి. ‘సర్ఫిరా’ కథతో ఆయన వద్దకు వెళ్లినప్పుడు.. కథ తనకెంతో నచ్చిందని, తప్పకుండా యాక్ట్‌ చేస్తానని ఆసక్తి చూపించారు’ అని ఆమె మాట్లాడారు.
