ట్యాలెంటెడ్ యాక్టర్ సుహాస్ హీరోగా నటిస్తున్న తాజా చిత్రం ‘జనక అయితే గనక’ ఇప్పటికే షూటింగ్ పనులు ముగించుకుని రిలీజ్‌కి రెడీ అయ్యింది. ఈ సినిమాను పూర్తి ఫ్యామిలీ ఎంటర్‌టైనర్‌గా దర్శకుడు సందీప్ రెడ్డి బండ్ల తెరకెక్కిస్తున్నారు. అయితే, ఈ సినిమా కంటెంట్‌పై పూర్తి నమ్మకంతో స్టార్ ప్రొడ్యూసర్ దిల్ రాజు ఈ చిత్రాన్ని టేకప్ చేశారు. ఇక ఈ సినిమాను సెప్టెంబర్ 7న రిలీజ్ చేసేందుకు మేకర్స్ రెడీ అవుతున్నారు.
ఈ సినిమా కథపై పూర్తి నమ్మకం ఉందని నటుడు సుహాస్ చెబుతున్నాడు. అంతేగాక, ఈ సినిమా అన్ని వర్గాల ప్రేక్షకులను ఆకట్టుకుంటుందని ఆయన ధీమా వ్యక్తం చేస్తున్నారు. దీంతో ఈ సినిమాకు సంబంధించిన యూఎస్ డిస్ట్రిబ్యూషన్ రైట్స్‌ని కూడా సుహాస్ సొంతం చేసుకున్నట్లు తెలుస్తోంది.
ఈ సినిమాలో సంకీర్తన విపిన్ హీరోయిన్‌గా నటిస్తుండగా, విజయ్ బుల్గనిన్ ఈ చిత్రానికి సంగీతం అందిస్తున్నాడు. ఇక ఈ సినిమాను హర్షిత్ రెడ్డి, హన్షితా రెడ్డి సంయుక్తంగా ప్రొడ్యూస్ చేస్తున్నారు.
