ఈవారం టాలీవుడ్ బాక్సాఫీస్ దగ్గర రిలీజ్ అవుతున్న సినిమాల్లో ‘మారుతీ నగర్ సుబ్రమణ్యం’ ప్రేక్షకుల్లో మంచి బజ్‌ను క్రియేట్ చేసుకుంది. ఈ సినిమాలో రావు రమేష్ లీడ్ రోల్‌లో నటిస్తుండటంతో ఈ మూవీని చూసేందుకు ఆడియెన్స్ ఆసక్తిని చూపుతున్నారు. లక్ష్మణ్ కార్య డైరెక్ట్ చేసిన ఈ మూవీ పూర్తి ఫ్యామిలీ ఎంటర్‌టైనర్‌గా అలరించేందుకు సిద్ధమైంది.
ఇక ఈ సినిమా ప్రీ-రిలీజ్ ఈవెంట్‌ను చిత్ర యూనిట్ గ్రాండ్‌గా నిర్వహించేందుకు సిద్ధమైంది. ఈ ప్రీ-రిలీజ్ ఈవెంట్‌కు ఐకాన్ స్టార్ అల్లు అర్జున్ వస్తున్నట్లు చిత్ర యూనిట్ ఇప్పటికే తెలిపింది. అయితే, ఆయనతో పాటు క్రియేటివ్ డైరెక్టర్ సుకుమార్ కూడా ఈ ప్రీ-రిలీజ్ ఈవెంట్‌కు రానున్నట్లు మేకర్స్ తాజాగా వెల్లడించారు. ఈ ప్రీ-రిలీజ్ వేడుక ఆగస్టు 21న పార్క్ హయత్ హోటల్‌లో సాయంత్రం 6 గంటల నుంచి జరగనుంది.
ఈ సినిమాలో సీనియర్ నటి ఇంద్రజ, అంకిత్ కొయ్య, రమ్య పసుపులేటి తదితరులు ఇతర పాత్రల్లో నటిస్తుండగా బుజ్జి రాయుడు పెంట్యాల, మోహన్ కార్య నిర్మాతలుగా వ్యవహరిస్తున్నారు. మైత్రీ మూవీ డిస్ట్రిబ్యూషన్స్ ఈ చిత్రాన్ని రిలీజ్ చేస్తున్నారు.
