ఐకాన్ స్టార్ అల్లు అర్జున్ ప్రధాన పాత్రలో, దర్శకుడు సుకుమార్ దర్శకత్వంలో తెరకెక్కుతున్న మాస్ యాక్షన్ ఎంటర్టైనర్ పుష్ప 2 ది రూల్. డిసెంబర్ 6, 2024 న వరల్డ్ వైడ్ గా భారతీయ ప్రధాన భాషల్లో రిలీజ్ కాబోతున్న ఈ చిత్రంలో రష్మిక మందన్న హీరోయిన్ గా నటిస్తుండగా, రాక్ స్టార్ దేవి శ్రీ ప్రసాద్ సంగీతాన్ని అందిస్తున్నాడు. తాజాగా జరిగిన ఒక ఈవెంట్ లో బన్నీ, సుకుమార్ లు పాల్గొన్నారు.
ఈ వేడుకలో సుకుమార్ పలు ఆసక్తికర విషయాలు వెల్లడించాడు. మీ ఇద్దరి కాంబినేషన్ లో ఆర్య 1, ఆర్య 2 ఇలా పుష్ప 1 పుష్ప 2 లుగా వస్తూనే ఉంటదా అని సుమ అడగగా, అందుకు సమాధానం ఇస్తూ, పార్ట్ 3,4,5,6 అంటూ చెప్పుకొచ్చాడు సుకుమార్.
“అభిమానులకు అత్యుత్తమ అనుభవాన్ని అందించడానికి మేము అవిశ్రాంతంగా కృషి చేస్తున్నాము. కొన్ని సన్నివేశాలు ఎక్కువ సమయం తీసుకుంటున్నాయి మరియు నాణ్యత విషయంలో నేను రాజీ పడను. అందువల్ల జాప్యం జరుగుతోంది. అల్లు అర్జున్ పెర్ఫార్మెన్స్ మరియు సినిమా అద్భుతంగా ఉంటుంది” అని సుకుమార్ చెప్పుకొచ్చాడు. ఈ కామెంట్స్ వైరల్ గా మారాయి.