‘పుష్ప-2 ది రూల్‌’ మూవీ కోసం ఇప్పుడు భారతదేశంతో పాటు ప్రపంచవ్యాప్తంగా ప్రేక్షకులు ఎదురుచూస్తున్నారు. ఐకాన్‌స్టార్‌ అల్లు అర్జున్ నట విశ్వరూపం ఈ సినిమాలో చూడబోతున్నారు. బ్రిలియంట్‌ డైరెక్టర్‌ సుకుమార్‌ దర్శకత్వ ప్రతిభ, ఆయన క్లాస్‌ టేకింగ్‌తో ఈ చిత్రం తెరకెక్కింది. ప్రపంచ స్థాయి నిర్మాణ విలువలతో ఈ చిత్రాన్ని సుకుమార్‌ రైటింగ్స్‌తో కలిసి మైత్రీ మూవీ మేకర్స్‌ సంస్థ నిర్మిస్తోంది. డిసెంబరు 5న ప్రపంచవ్యాప్తంగా విడుదల కానుండగా.. ఈ చిత్ర ప్రమోషన్స్‌ ఊపందుకున్నాయి. తాజాగా ముంబయ్‌లో ‘పుష్ప-2′ హీరో, హీరోయిన్‌ నిర్మాతలు సందడి చేశారు.
ఈ సందర్భంగా ఐకాన్‌ స్టార్‌ అల్లు అర్జున్ మాట్లాడుతూ.. ‘ఈ సినిమా విషయంలో నేను థాంక్స్‌ చెప్పుకోవాల్సింది నిర్మాతలకు. వాళ్లు లేకుంటే, వాళ్ల సపోర్ట్‌ లేకుండా ఈ సినిమా సాధ్యపడేది కాదు. నా చిన్ననాటి స్నేహితుడు నా కెరీర్‌లో ఎన్నో సూపర్‌హిట్‌ సాంగ్స్‌ ఇచ్చిన దేవి శ్రీ ప్రసాద్‌కు ప్రత్యేక కృతజ్క్షతలు. ఫహాద్‌ ఫాజిల్‌తో పనిచేయడం ఎంతో గ్రేట్‌గా ఉంది. శ్రీలీల, రష్మిక తో పనిచేయడం ఎంతో హ్యాపీ. గత నాలుగు సంవత్సరాలుగా రష్మికతో కలిసి పనిచేశాను. ఆమెతో వర్కింగ్‌ ఎక్స్‌పీరియన్స ఎంతో ఎనర్జీ వస్తుంది. నా జర్నీలో దర్శకుడు సుకుమార్‌తో 20 ఏళ్ల ప్రయాణం. ఈ రోజు నేను హీరోగా ఇలా ఉన్నానంటే ఆయనే కారణం.. నన్ను స్టార్‌ను చేసింది సుకమారే. ఐదు సంవత్సరాలు మా లైఫ్‌లో బెస్ట్‌ ప్రొడక్ట్‌ ఇవ్వడానికి ట్రై చేస్తున్నాం. ఈ రోజు ప్రపంచంలోని ప్రతి ఇండియన్‌, ప్రతి భాష వాళ్లు, ప్రతి రాష్ట్రంలో వాళ్లు అందరూ కలిసి పుష్ప-2 విడుదలను సెలబ్రేట్‌ చేయడం ఎంతో ఆనందంగా ఉంది’ అన్నారు.
రష్మిక మందన్నా మాట్లాడుతూ.. ‘ఐదు సంవత్సరాల ఈ ప్రయాణంలో ఎన్నో ఎమోషన్స్‌ ఉన్నాయి. పుష్ప దిరైజ్‌లో నా పై చిత్రీకరించిన తొలి సన్నివేశం నాకు ఇంకా గుర్తుంది. ఈ సినిమాలో అవకాశం వచ్చినప్పుడు అల్లు అర్జున్‌తో యాక్ట్‌ చేయడం అనగానే.. ఎలా రియాక్ట్‌ అవ్వాలో అర్థం కాలేదు. ఈ ఐదు సంవత్సరాల ప్రయాణం ఎంతో బాండింగ్‌ ఏర్పడింది. డిసెంబర్‌ 5న మా చిత్రం వస్తుందని గర్వంగా చెబుతున్నాను. ఇలాంటి గొప్ప టీమ్‌తో ఎన్ని సార్లు అయినా పనిచేయడానికి రెడీగా ఉంటాను’ అన్నారు.
నిర్మాతలు మాట్లాడుతూ..‘ఇండియా మొత్తం ఎక్కడికి వెళ్లినా గొప్ప ఆదరణ లభిస్తుంది. సినిమాను ఎంతో ప్రతిష్టాత్మకంగా 12 వేలకు పైగా స్క్రీన్స్‌ల్లో విడుదల చేస్తున్నాం. హ్యయెస్ట్‌ రిలీజ్‌ ఫర్‌ ఐమ్యాక్స్‌ వెర్షన్‌ ఫర్‌ ఇండియన్‌ ఫిల్మ్. పుష్ప మాకు వెరీ స్పెషల్‌ సినిమా. ఈ సినిమా కోసం మూడు సంవత్సరాలు దర్శకుడు ఎంతో కష్టపడి పనిచేస్తున్నాడు. మెస్ట్‌ హార్డ్‌వర్కింగ్‌ హీరో. మాకు ఇలాంటి గొప్ప సినిమా ఇచ్చినందుకు దర్శకుడు, హీరోకు అనిల్‌ తడాని హిందీలో విడుదల చేస్తున్న భూషణ్‌ కుమార్‌ టీసీరిస్‌కు మా కృతజ్క్షతలు. ఈ సినిమాకు దేవిశ్రీ ప్రసాద్‌ అద్భుతమైన సంగీతం ఇచ్చాడు. కూబా ఫోటోగ్రఫీ మిమ్ములను మెస్మరైజ్‌ చేస్తుంది’ అని అన్నారు.
