యంగ్ అండ్ టాలెంటెడ్ హీరో విశ్వక్ సేన్, మిథిలా పాల్కర్ మరియు ఆశా భట్ హీరో హీరోయిన్ లుగా నటించిన లేటెస్ట్ మూవీ ఓరి దేవుడా. ఇటీవల విడుదలైన ఈ రొమాంటిక్ కామెడీ ఎంటర్టైనర్ థియేటర్లలో మంచి వసూళ్లను సాధించింది. తమిళంలో ఘనవిజయం సాధించిన ఓ మై కడవులే చిత్రానికి ఇది అధికారిక రీమేక్. ఈ చిత్రం ప్రస్తుతం ఆహా వీడియో అనే తెలుగు స్ట్రీమింగ్ ప్లాట్‌ఫామ్‌లో ప్రసారం అవుతోంది.
ఈ చిత్రం ప్రీమియర్ అయిన 40 గంటల్లోనే 100 మిలియన్ స్ట్రీమింగ్ నిమిషాలను సాధించడం జరిగింది. ఇది సూపర్ రెస్పాన్స్ అని చెప్పాలి. ఇదే విషయాన్ని ఆహా వీడియో అధికారికంగా ప్రకటించింది. ఓటీటీలో ఈ సినిమాకు అద్భుతమైన రెస్పాన్స్ వస్తోంది. అశ్వత్‌ మరిముత్తు దర్శకత్వం వహించిన ఈ చిత్రంలో విక్టరీ వెంకటేష్‌ అతిధి పాత్రలో నటించారు. శ్రీ వెంకటేశ్వర క్రియేషన్స్‌తో కలిసి పీవీపీ సినిమా ఈ చిత్రాన్ని నిర్మించింది. ఈ చిత్రానికి లియోన్ జేమ్స్ సంగీతం అందించారు.