సూపర్ స్టార్ మహేష్ బాబు లేటెస్ట్ మూవీ గుంటూరు కారం ప్రస్తుతం వేగంగా షూటింగ్ జరుపుకుంటోంది. ఈ మూవీలో శ్రీలీల, మీనాక్షి చౌదరి హీరోయిన్స్ గా నటిస్తుండగా త్రివిక్రమ్ శ్రీనివాస్ దర్శకత్వం వహిస్తున్నారు. హారికా హాసిని క్రియేషన్స్ సంస్థ గ్రాండ్ లెవెల్లో నిర్మిస్తున్న ఈ మూవీకి ఎస్ థమన్ సంగీతం అందిస్తుండగా కీలక పాత్రల్లో రమ్యకృష్ణ, ప్రకాష్ రాజ్, జగపతిబాబు, రఘుబాబు, బ్రహ్మానందం, సునీల్ తదితరులు నటిస్తున్నారు.
ఇప్పటికే ఈ మూవీ నుండి రిలీజ్ అయిన ఫస్ట్ గ్లింప్స్ అలానే రెండు సాంగ్స్ అందరినీ ఆకట్టుకుని మూవీ పై మంచి అంచనాలు ఏర్పరిచాయి. విషయం ఏమిటంటే, నేడు క్రిస్మస్ పండుగని పురస్కరించుకుని తన ఇన్స్టాగ్రామ్ లో దర్శకుడు త్రివిక్రమ్ తో కలిసి గుంటూరు కారం ఆన్ ది సెట్స్ లో దిగిన పిక్ ని పోస్ట్ చేసిన మహేష్ బాబు, తమ టీమ్ తరపున ప్రేక్షకాభిమానులకు ప్రత్యేకంగా క్రిస్మస్ విషెస్ తెలియచేసారు. ప్రస్తుతం ఈ సూపర్ పిక్ సోషల్ మీడియాలో వైరల్ అవుతోంది. కాగా గుంటూరు కారం మూవీని అన్ని కార్యక్రమాలు ముగించి జనవరి 12న ఆడియన్స్ ముందుకి తీసుకురానున్నారు.