వికె నరేష్, పవిత్ర లోకేష్ ప్రధాన పాత్రల్లో విజయకృష్ణ మూవీస్ బ్యానర్ పై తెరకెక్కిన లేటెస్ట్ ఫ్యామిలీ యాక్షన్ మూవీ మళ్ళీ పెళ్లి. ఈ మూవీని ఎం ఎస్ రాజు తెరకెక్కించగా నరేష్ నిర్మాతగా వ్యవహరించారు. ఇటీవల థియేటర్స్ లో ఆడియన్స్ ముందుకి వచ్చిన మళ్ళీ పెళ్లి మూవీ పెద్దగా ఆకట్టుకోలేకపోయింది. అయితే తాజాగా ఈ మూవీ ప్రముఖ ఓటిటి మాధ్యమం ఆహా లో ప్రసారం చేసారు.
ప్రస్తుతం ఈ మూవీ 100 మిలియన్ స్ట్రీమింగ్ మినిట్స్ తో ఆడియన్స్ నుండి మంచి రెస్పాన్స్ తో కొనసాగుతోందని కొద్దిసేపటి క్రితం ఆహా వారు అధికారికంగా పోస్టర్ ద్వారా ప్రకటించారు. కాగా తమ సినిమాకి ఓటిటి ఆడియన్స్ నుండి మంచి రెస్పాన్స్ లభిస్తుండడంతో మళ్ళీ పెళ్లి యూనిట్ ఆనందం వ్యక్తం చేస్తోంది.